ବରଗଡ, (ନିରୋଜ କୁମାର ପାଣୀ) : ବରଗଡ ବ୍ଲକ ସରସରା ସରକାରୀ ଉଚ୍ଚ ବିଦ୍ୟାଳୟର ଖେଳ ଶିକ୍ଷକ ସରୋଜ ଭୋଇଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ହାଇସ୍କୁଲର ଭାରପ୍ରାପ୍ତ ପ୍ରଧାନ ଶିକ୍ଷକ ସୁଦାମ ଚରଣ ସାଙ୍କ ସଭାପତିତ୍ୱରେ ସମ୍ବର୍ଦ୍ଧନା ସଭାରେ ଅତିଥି ଭାବେ ସରପଞ୍ଚଙ୍କ ସ୍ୱାମୀ ଧର୍ମ ଭୋଇ, ସ୍କୁଲ ସଭାପତି ଭରତ ଭୋଇ, ଯାଦବ ଭୋଇ, ସାମ୍ବାଦିକ ବଳରାମ ପଧାନ ପ୍ରମୁଖ ସଭାରେ ମଞ୍ଚାସୀନ ଥିଲେ । ଶିକ୍ଷୟିତ୍ରୀ ଶୋଭାରାଣୀ ପଧାନ, ସବିତା ପାଣିଗ୍ରାହୀ, ରମେଶ ଚନ୍ଦ୍ର ପଣ୍ତା, ସତ୍ୟ ପ୍ରକାଶ ସାହୁ, ଅଶୋକ ଭୋଇ, ଭକ୍ତରାମ ଦନସେନା, ହାଡୁ ପଧାନ, ରାଧେ ଭୋଇଙ୍କ ସମେତ ଶିକ୍ଷକ ପ୍ରମୁଖ ଉପସ୍ଥିତ ଥିଲେ । ୧୯୮୮ ସାଲରୁ ହାଇସ୍କୁଲର ପିଇଟି ଓ ସ୍କାଉଟ ଶିକ୍ଷକ ଭାବେ କାର୍ଯ୍ୟ ତୁଲାଇ ଜିଲ୍ଲାସ୍ତରରେ ଛାତ୍ରଛାତ୍ରୀଙ୍କୁ ଖେଳ ଖେଳାଇ ସୁନାମ ଅର୍ଜନ କରିଥିଲେ । ସେ ଜଣେ ଛାତ୍ରବତ୍ସଳ, ବରିଷ୍ଠ ଖେଳ ଶିକ୍ଷକ ଭାବରେ ତାଙ୍କର କର୍ତ୍ତବ୍ୟ ବୋଧ ଅନନ୍ୟ ବୋଲି ସମସ୍ତେ ମତ ଦେଇଥିଲେ । ତାଙ୍କ ଅବଶିଷ୍ଟ ଜୀବନ ସୁସ୍ଥ ଓ ନିରାମୟ ହେଉ ବୋଲି କାମନା କରିଥିଲେ । ଛାତ୍ରଛାତ୍ରୀ ଓ ଉଚ୍ଚ ବିଦ୍ୟାଳୟ ତରଫରୁ ବିଦାୟୀ ଖେଳ ଶିକ୍ଷକଙ୍କୁ ଉପଢୌକନ ପ୍ରଦାନ କରାଯାଇଥିଲା । ଶେଷରେ ସଂସ୍କୃତ ଶିକ୍ଷକ ରମେଶ ପଣ୍ତା ଧନ୍ୟବାଦ ଅର୍ପଣ କରିଥିବା ବେଳେ ସମସ୍ତ ଛାତ୍ରଛାତ୍ରୀ ଶିକ୍ଷକଙ୍କ ବାସଭବନ ବାରିକଟିକ୍ରାକୁ ବଜା ବଜାଇ ନେଇ ତାଙ୍କ ଘରେ ପହଞ୍ଚାଇଥିଲେ ।