ନୂଆଦିଲ୍ଲୀ : ଭାରତରେ ମୋଟ ୬ ଜଣଙ୍କଠାରେ ନୂଆ କରୋନା ଭୂତାଣୁ ଚିହ୍ନଟ ହୋଇଛି । ମଙ୍ଗଳବାର ଦିନ ଭାରତ ସରକାର ଏହି ସୂଚନା ଦେଇଛନ୍ତି । ୟୁନାଇଟେଡ଼୍ କିଙ୍ଗ୍ଡ଼ମ୍ରୁ ଫେରିଥିବା ୬ ଜଣଙ୍କ ମଧ୍ୟରେ ଏହି ନୂତନ ଷ୍ଟ୍ରେନ୍ ଦେଖିବାକୁ ମିଳିଛି । ଏଥିମଧ୍ୟରୁ ବାଙ୍ଗାଲୋର, ହାଇଦ୍ରାବାଦ ଏବଂ ପୁଣେର ତିନୋଟି ଲ୍ୟାବ ନମୁନାରେ ଏହି ନୂତନ ଷ୍ଟ୍ରେନ୍ ଦେଖିବାକୁ ମିଳିଛି।
ସୂଚନାଯୋଗ୍ୟ ଯେ, ମଙ୍ଗଳବାର ଦିନ ଭାରତ ସରକାର ବ୍ରିଟେନର ନୂତନ ଷ୍ଟ୍ରେନ୍ ଉପରେ ଏକ ରିପୋର୍ଟ ଜାରି କରିଛନ୍ତି, ଯେଉଁଥିରେ ବିଭିନ୍ନ ବିଭାଗ ବିଭିନ୍ନ ଲ୍ୟାବରେ ପରୀକ୍ଷା କରାଯାଇଥିଲା ।
୨୫ ନଭେମ୍ବରରୁ ୨୩ ଡିସେମ୍ବର ପର୍ୟ୍ୟନ୍ତ ବ୍ରିଟେନରୁ ପ୍ରାୟ ୩୩ ହଜାର ଲୋକ ଫେରି ଆସିଥିଲେ । ସମସ୍ତଙ୍କୁ ଟ୍ରାକ କରାଯାଇଥିଲା ଏବଂ ପରୀକ୍ଷା କରାଯାଇଥିଲା । ଏଥିମଧ୍ୟରୁ ମୋଟ ୧୧୪ ଜଣ ଲୋକ କରୋନା ପଜିଟିଭ୍ ହୋଇଥିଲେ । ଏହା ପରେ ଏଗୁଡିକର ନମୁନା ଦେଶର ୧୦ ଟି ଲ୍ୟାବ (କୋଲକାତା, ଭୁବନେଶ୍ୱର, ଏନଆଇଭି ପୁଣେ, ସିସି ପୁଣେ, ସିସିଏମବି ହାଇଦ୍ରାବାଦ, ସିସିଏଫଡି ହାଇଦ୍ରାବାଦ, ଇନଷ୍ଟେମ ବେଙ୍ଗାଲୁରୁ, ନିମହାନ୍ସ ବେଙ୍ଗାଲୁରୁ, ଆଇଜିବି ଦିଲ୍ଲୀ, ଏନସିଡିସି ଦିଲ୍ଲୀ)କୁ ପଠାଯାଇଛି ।
ଏଥିମଧ୍ୟରୁ ୬ ଜଣଙ୍କ ନମୁନାରେ କରୋନାର ଏକ ନୂତନ ଷ୍ଟ୍ରେନ୍ ଦେଖିବାକୁ ମିଳିଛି । ଏହି ସମସ୍ତ ଲୋକଙ୍କୁ ରାଜ୍ୟ ସରକାର ଏକ ପୃଥକ ପୃଥକ କୋଠରୀରେ ରଖିଛନ୍ତି । ସେମାନଙ୍କ ସହ ଯୋଗାଯୋଗ କରୁଥିବା ଲୋକଙ୍କୁ କ୍ୱାରେନ୍ଟାଇନ୍ରେ ରଖାଯାଇଥିବା ବେଳେ ଅନ୍ୟ ଯାତ୍ରୀଙ୍କ ସୂଚନା ଖୋଜାଯାଉଛି ।