ବଲାଙ୍ଗିର, (ଦେବାଶିଷ ମିଶ୍ର) : ନବଜ୍ୟୋତି କ୍ଲବଠାରେ ବାସୁଦେବ ମୁଗ୍ରୀଙ୍କ ସଭାପତିତ୍ୱରେ ନୂଆଁଖାଇ ଭେଟ୍ଘାଟ୍ ଅନୁଷ୍ଠିତ ହୋଇଥିଲା । ମଂଚରେ ସୁନାଧର ମୁଗ୍ରୀ, ମଗଶିର ମୁଗ୍ରୀ, କୃଷ୍ଣଚନ୍ଦ୍ର ରାଏ ଓ ଅର୍ଜୁନ ମୁଗ୍ରୀ ମଂଚାସୀନ ଥିଲେ । ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମରେ କୁନି କୁନି ବାଳିକା ମଦର ଅପବ୍ୟବହାର ଓ ବିପଦ ଉପରେ ଏକ ନାଟକ ପରିବେଷଣ କରିଥିଲେ । ପରେ ପରେ ମଦର ଅପବ୍ୟବହାର ପରିବାର ପ୍ରତି ଅସନ୍ତୁଷ୍ଟ ଓ କ୍ଷତି ଉପରେ ଅନେକ କାର୍ଯ୍ୟକ୍ରମ ମାଧ୍ୟମରେ ସଚେତନ କରାଇଥିଲେ । ଚଳିତ ବର୍ଷରେ ଚାକିରିରୁ ଅବସର ନେଇଥିବା ଅର୍ଜୁନ ମୁଗ୍ରୀ ଓ ମଗସିର ମୁଗ୍ରୀଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ପ୍ରତ୍ୟେକ ବର୍ଷ ମେଟ୍ରିକ ପରୀକ୍ଷାରେ ଉତ୍ତୀନ୍ନ ହୋଇଥିବା ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ପଡ଼ାର ପ୍ରାୟ ସମସ୍ତ ଭଦ୍ରବ୍ୟକ୍ତି ଓ ମା’ ଭଉଣୀମାନେ ସହଯୋଗ କରିଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରାଯାଇଥିଲା ।