- ରାଜେଶ ପୂଜାରୀ
(୧)
ସେଦିନ ମଞ୍ଚରେ
ଖୁବ୍ ବାଉଳୁଥିଲି ମୁଁ
ତୁ କହିଲୁ,
ପତ୍ରେଇଯିବି ତେବେ
ସତରେ ପିନ୍ଧେଇବ ଯେବେ ।
(୨)
ତୁ ପିନ୍ଧିଲୁ
ମୁଁ ପିନ୍ଧେଇଲି
ଫରକ୍ ଖାଲି ଏତିକି
ତତେ ପିନ୍ଧେଇଲା ଜଣେ
ମୋ’ଠୁ ପିନ୍ଧିଲା ଜଣେ ।
(୩)
ଝଣ୍ ଝାଣ୍ ଶବ୍ଦ ହେଲା
ଓଦା ଓଦା ମନ ପ୍ରାଣ
ଚୁଡ଼ି ନୁହେଁ
ସ୍ୱପ୍ନ ଭଳି କିଛି ଭାଙ୍ଗିଥିଲା ।
(୪)
ତୁ ଡୋରି ଟାଣିଲୁ ତୋର
ମୁଁ ଡଙ୍ଗା ବାହିଲି ମୋର
ଆଉ ଯୋଗାଯୋଗ କାହିଁ
ବେଳ ଅବେଳରେ
ଛମ୍ ଛମ୍ ବାଜେ
ଜାଣିନି, ତତେ
ଶୁଭେ ଅବା ନାହିଁ ?
(୫)
ତୁ ହସୁଥିଲୁ ମୁଁ ହସୁଥିଲି
ଠାରରେ କହିଲୁ,
ଭାବି ନଥିଲି ଗୋ
ଏମିତି ବି ଅଚାନକ ଦେଖା ହେବ
ମୋ ଝିଅକୁ ତୁମ ପୁଅ
ଚୁଡ଼ି ପିନ୍ଧେଇବ ।
କୁଶମେଲ, ଝାରସୁଗୁଡ଼ା
ମୋ-୯୭୭୭୨୮୦୫୯୪