ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ନର୍ଲା ବନବିଭାଗ ପକ୍ଷରୁ ମିଳିଥିବା ସୂଚନା ମୁତାବକ ବିଶେଷ ସୂତ୍ରରୁ ଖବର ପାଇ ଆଜି ନର୍ଲା ବନବିଭାଗ ଅଧିକାରୀ ଗିରିଧାରୀ ନାଗ ଓ ମ.ରାମପୁର ବନବିଭାଗ ଅଧିକାରୀ ଅତିସ କୁମାର ଦାସଙ୍କ ନେତୃତ୍ୱରେ କନକପୁର ଗାଁର ମୁରଲୀଧର ସାହୁଙ୍କ ଘରକୁ ଭବାନୀପାଟଣା ମୋବାଇଲ ଟିମ ନର୍ଲା, ମ.ରାମପୁର ବନବିଭାଗ ଓ ନର୍ଲା ପୋଲିସର ସହାୟତା ଚଢ଼ାଉ କରି ବିପୁଳ ପରିମାଣର ଶାଳ ସାଇଜ, ପଟା ଓ ଛୋଟ ବଡ଼ ଚାରିଟି ଶାଳ ଗଣ୍ଡିକୁ ଜବତ କରିଥିବା ବେଳେ ଅଭିଯୁକ୍ତ ଫେରାର ଥିବା ବନବିଭାଗ ଅଧିକାରୀ କହିଛନ୍ତି । ମ.ରାମପୁର ସ୍ଥିତ ନର୍ଲା ବନବିଭାଗ କାର୍ଯ୍ୟାଳୟକୁ ଉକ୍ତ କାଠକୁ ଟ୍ରାକ୍ଟର ଦ୍ୱାରା ଆଣି ତଦନ୍ତ ଜାରି ରହିଥିବା ନର୍ଲା ବନବିଭାଗ ଅଧିକାରୀ ଗିରିଧାରୀ ନାଗ ସୂଚନା ଦେଇଛନ୍ତି । ଏଥିରେ ନର୍ଲା ବନବିଭାଗ କର୍ମଚାରୀ ଓ ମ.ରାମପୁର ବନବିଭାଗ କର୍ମଚାରୀ ସହଯୋଗ କରିଥିଲେ ।