ବଲାଙ୍ଗିର, (ଦେବାଶିଷ ମିଶ୍ର) : ଆଜି ଅପରାହ୍ନରେ ସ୍ଥାନୀୟ ବିଧାୟକ ନରସିଂହ ମିଶ୍ର ବଲାଙ୍ଗିରର ବିଶିଷ୍ଟ ହୋଟେଲ ବ୍ୟବସାୟୀ ସ୍ୱର୍ଗତ ଗୋପାଳ ସାହୁଙ୍କ ଅସୁସ୍ଥଥିବା ଜ୍ୟେଷ୍ଠ ପୁତ୍ର ରାଜେନ୍ଦ୍ର ସାହୁଙ୍କ କଂସାରିପଡା ସ୍ଥିତ ବାସଭବନକୁ ଯାଇ ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି । ସୂଚନାଯୋଗ୍ୟ ଯେ, ବ୍ୟବସାୟୀ ରାଜେନ୍ଦ୍ର ସାହୁ ଦୀର୍ଘ ଦିନରୁ କର୍କଟ ରୋଗରେ ପିଡିତ ଅଛନ୍ତି । ପୂର୍ବରୁ ରୋଗର ଚିକିତ୍ସା ପାଇଁ ହାଇଦ୍ରାବାଦ ସ୍ଥିତ ଘରୋଇ ହସପିଟାଲରେ ଚିକିତ୍ସା ପରେ ଘରେ ରହି ଚିକିତ୍ସିତ ହେଉଛନ୍ତି । ଘରେ ଉପସ୍ଥିତ ଥିବା ତାଙ୍କ ପରିବାର ବର୍ଗଙ୍କୁ ଶ୍ରୀ ସାହୁଙ୍କ ଚିିକିତ୍ସା ତଥା ସ୍ୱାସ୍ଥ୍ୟାବସ୍ଥା ଉପରେ ଶ୍ରୀ ମିଶ୍ର ପଚାରିବା ସହ ଆଶୁ ଆରୋଗ୍ୟ କାମନା କରିଛନ୍ତି । ଏହି ଗସ୍ତ ସମୟରେ ପରିବାର ସଦସ୍ୟମାନଙ୍କ ମଧ୍ୟରେ ତାଙ୍କର ସାନ ଭାଇ ଦେବେନ୍ଦ୍ର ସାହୁ, ନରେନ୍ଦ୍ର ସାହୁ, ମନୋଜ ସାହୁ, ଧରିତ୍ରୀ ସାହୁ, କନକ ମଞ୍ଜରି ସାହୁ, ସଂଯୁକ୍ତା ସାହୁ, ରାହୁଲ ସାହୁ ଓ କିଶନ ସାହୁ ପ୍ରମୁଖ ଉପସ୍ଥିତ ରହିଥିଲେ ।