centurian jitm

ପାରାଦୀପରେ ସୁନା ବ୍ୟବସାୟୀଙ୍କ ବେକରେ କଟୁରୀ ଲଗାଇ ଲୁଟ

ପାରାଦୀପ : ପାରାଦୀପରେ ଲୁଟେରାଙ୍କ ଆତଙ୍କରାଜ । ସୁନା ବ୍ୟବସାୟୀଙ୍କ ବେକରେ କଟୁରୀ ଲଗାଇ ଲୁଟ । କୁଜଙ୍ଗ ଥାନା ବାଗୋଇ ପୋଲ ନିକଟରେ ଏଭଳି ଘଟଣା ଘଟିଛି । ୩ ଜଣ ଦୁର୍ବୃତ୍ତ ଲୁଟ କରି ଫେରାର ହୋଇଯାଇଛନ୍ତି । ଦୁଇଟି ସୁନା ଚେନ୍, ୩ଟି ମୁଦି ଓ ସୁନା ବ୍ରେସଲେଟ୍ ଲୁଟ୍ ହୋଇଥିବା ନେଇ ବ୍ୟବସାୟୀ କୁଜଙ୍ଗ ଥାନାରେ ଏତଲା ଦେଇଛନ୍ତି । ସୂଚନାଯୋଗ୍ୟ ଯେ, ବୁଧବାର ରାତିରେ କୁଜଙ୍ଗ ବଜାରରେ ଶାନ୍ତିଲତା ଜୁଏଲାରୀ ଦୋକାନ କରିଥିବା ସୁଶାନ୍ତ କୁମାର ସାହୁ ଦୋକାନ ବନ୍ଦ କରି ଘରକୁ ଫେରୁଥିଲେ । ଏତିକି ବେଳେ ତିନିଜଣ ଦୁର୍ବୃତ୍ତ ଷଣ୍ଢପୁର ନିକଟରୁ ଶୁଶାନ୍ତଙ୍କୁ ପଲସର ବାଇଚରେ ଗୋଡାଇ ଥିଲେ । ବାଗୋଇ ପୋଲ ଉପରେ ସେମାନେ ଶୁଶାନ୍ତଙ୍କୁ ଅଟକାଇ ବେକରେ କଟୁରୀ ଲଗାଇ ତିନୋଟି ସୁନା ମୁଦି, ଦୁଇଟି ଚେନ ଓ ଗୋଟିଏ ବ୍ରେସଲେଟ ଛଡ଼ାଇ ନେଇଥିଲେ । ଏନେଇ ବ୍ୟବସାୟୀ କୁଜଙ୍ଗ ଥାନାରେ ଏତଲା ଦେଇଥିଲେ । ଲୁଟ୍ ହୋଇଥିବା ସମସ୍ତ ଜିନିଷର ମୂଲ୍ୟ ପାଖାପାଖି ୧୩ ଲକ୍ଷ ଟଙ୍କା ହେବ ବୋଲି ଏତଲାରେ ଉଲ୍ଲେଖ କରାଯାଇଛି । କୁଜଙ୍ଗ ପୋଲିସ ଏନେଇ ଛାନଭିନ ଆରମ୍ଭ କରିଛି ।

Leave A Reply

Your email address will not be published.