ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ନିକଟସ୍ଥ ଛତାମଖନା ଠାରେ ୨ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଜଣେ ମୃତ୍ୟୁବରଣ କରଥିବା ବେଳେ ୩ ଜଣ ଗୁରୁତର ହୋଇଥିବା ଜଣାପଡ଼ିଛି । ସୂଚନା ଅନୁସାରେ ବଲାଙ୍ଗିର ପଟରୁ ଏକ ପେସନ୍ ପ୍ରୋ ବାଇକ୍ରେ ୨ ଜଣ ଯୁବକ ଯାଉଥିବା ବେଳେ ଲୋଇସିଂହା ପଟରୁ ଏକ ପ୍ଲାଟିନା ବାଇକ୍ରେ ଦୁଇ ଜଣ ଯୁବକ ଆସୁଥିବା ସମୟରେ ଉକ୍ତ ୨ ବାଇକ୍ ମୁହାଁମୁହିଁ ଧକ୍କା ହୋଇଥିଲା । ତେବେ ବଲାଙ୍ଗିର ପଟରୁ ଯାଉଥିବା ୨ ଯୁବକଙ୍କ ମଧ୍ୟରୁ ଘଟଣା ସ୍ଥଳରେ ଜଣେ ମୃତ୍ୟୁ ବରଣ କରିଥିବା ବେଳେ ଆର ଜଣକ ଓ ଅନ୍ୟ ବାଇକ୍ର ଦୁଇ ଜଣ ଯୁବକ ଗୁରୁତର ଥିବା ଜଣାପଡ଼ିଛି । ସେମାନଙ୍କୁ ଡାକ୍ତରଖାନା ପଠାଯାଇଥିବା କୁହାଯାଇଛି ।