ସଇଁତଲା, (ଖୁସିରାନୀ ସାହୁ) : ପ୍ରଧାନ ଶିକ୍ଷୟିତ୍ରୀଙ୍କ ନାଁରେ ସାଙ୍ଘାତିକ ଅଭିଯୋଗ । ଶିକ୍ଷୟିତ୍ରୀ କରୁଛନ୍ତି ମନମାନି । ବଲାଙ୍ଗିର ଜିଲ୍ଲା ସଇଁତଲା ବ୍ଲକ ଲାଚୁଟ ସ୍କୁଲର ପ୍ରଧାନ ଶିକ୍ଷୟିତ୍ରୀ ଶ୍ରଦ୍ଧାଞ୍ଜଳି ନନ୍ଦଙ୍କ ନାଁରେ ସାଙ୍ଘାତିକ ଅଭିଯୋଗ ଆଣିଛନ୍ତି ଗ୍ରାମବାସୀ । ସ୍କୁଲର ପ୍ରଧାନ ଶିକ୍ଷୟିତ୍ରୀଙ୍କ ମନମୁଖି କାର୍ଯ୍ୟକଳାପ ସହ ସ୍କୁଲକୁ ଠିକ ଭାବେ ଆସୁନ ଥିବା ନେଇ ଗ୍ରାମବାସୀମାନେ ଅଭିଯୋଗ ଆଣିଛନ୍ତି । ମଧ୍ୟାହ୍ନ ଭୋଜନରେ ଅନିୟମିତତା କରୁଥିବା ସହ ଛାତ୍ରଛାତ୍ରୀଙ୍କୁ ଶିକ୍ଷୟିତ୍ରୀ ନିର୍ଯ୍ୟାତନା ଦେଉ ଥିବା ମଧ୍ୟ ଅଭିଯୋଗ ଆସିଛି । ଏହି ସ୍କୁଲର ପ୍ରଧାନ ଶିକ୍ଷୟିତ୍ରୀଙ୍କ ନାଁରେ ଅନେକ ଥର ଅଭିଯୋଗ ଆସୁଥିବା ବେଳେ ଶିକ୍ଷା ବିଭାଗ କୌଣସି କାର୍ଯ୍ୟନେୁଷ୍ଠାନ ନେଉ ନ ଥିବା ନେଇ ମଧ୍ୟ ଜଣାପଡିଛି । ଏନେଇ ଆଜି ଗ୍ରାମବାସୀମାନେ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ଆସି ବିକ୍ଷୋଭ ପ୍ରଦର୍ଶନ କରିବା ସହ ପ୍ରଧାନ ଶିକ୍ଷୟିତ୍ରୀଙ୍କ ବଦଳି ଦାବିରେ ବିଇଓଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ଯଦି ବଦଳି ନ କରାଗଲେ ଆଗାମୀ ଦିନରେ ସ୍କୁଲରେ ତାଲା ପକାଇବା ସହ ଆନ୍ଦୋଳନ କରିବୁ ବୋଲି ଗାଁ ଲୋକେ କହିଛନ୍ତି ।