ନୂଆଦିଲ୍ଲୀ : ଆଜି ମଧ୍ୟାହ୍ନ ୧୨ ଟାରୁ ଅପରାହ୍ନ ୩ ଟା ପର୍ୟ୍ୟନ୍ତ ଦିଲ୍ଲୀ, ଉତ୍ତରପ୍ରଦେଶ ଏବଂ ଉତ୍ତରାଖଣ୍ଡ ବ୍ୟତୀତ ଅନ୍ୟ ସମସ୍ତ ରାଜ୍ୟରେ ଚାକ ଜାମ ଆହ୍ୱାନ କରିଛନ୍ତି ଆନ୍ଦୋଳନକାରୀ । କୃଷକ ସଂଗଠନ କହିଛି ଯେ, ସେମାନେ ଦିଲ୍ଲୀ, ଉତ୍ତରପ୍ରଦେଶ ଏବଂ ଉତ୍ତରାଖଣ୍ଡରେ ଯାତାୟାତକୁ ଅବରୋଧ କରିବେ ନାହିଁ । ଗଣତନ୍ତ୍ର ଦିବସରେ କୃଷକଙ୍କ ଟ୍ରାକ୍ଟର ରାଲିରେ ହୋଇଥିବା ହିଂସା ଠାରୁ ଦୃଢ଼ ଶିକ୍ଷା ଗ୍ରହଣ କରି ରାଜଧାନୀ ଦିଲ୍ଲୀରେ ଦୃଢ଼ ସୁରକ୍ଷା ବ୍ୟବସ୍ଥା କରାଯାଇଛି । ଲାଲ କିଲ୍ଲ୍ଲା, ଜାମା ମସଜିଦ୍, ଜନପଥ, କେନ୍ଦ୍ରୀୟ ସଚିବାଳୟ ମେଟ୍ରୋ ଷ୍ଟେସନରେ ପ୍ରବେଶ / ପ୍ରସ୍ଥାନ ଅତିଥିମାନଙ୍କୁ ବନ୍ଦ କରାଯାଇଛି । ଦିଲ୍ଲୀ ୟୁନିଭରସିଟି ମେଟ୍ରୋ ଷ୍ଟେସନ, ମାଣ୍ଡି ହାଉସ୍, ଆଇଟିଓ, ଦିଲ୍ଲୀ ଗେଟ୍, ମେଣ୍ଟ୍ରୋ ଷ୍ଟେସନର ଫାଟକ ମଧ୍ୟ ବନ୍ଦ ରହିଛି ।
ରାଜଧାନୀ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ଆଇନ ଶୃଙ୍ଖଳା ବଜାୟ ରଖିବା ପାଇଁ ଦିଲ୍ଲୀ ପୋଲିସ୍, ପାରାମିଲିଟାରୀ ଏବଂ ରିଜର୍ଭ ଫୋର୍ସର ପ୍ରାୟ ୫୦,୦୦୦ କର୍ମଚାରୀ ନିୟୋଜିତ ହୋଇଛନ୍ତି । ପୋଲିସ ୧୨ଟି ମେଟ୍ରୋ ଷ୍ଟେସନକୁ ମଧ୍ୟ ସତର୍କ ନଜର୍ରେ ରଖିଛି । ଦିଲ୍ଲୀ ପୋଲିସ୍ ଅଧିକାରୀ କହିଛନ୍ତି ଯେ, ଦିଲ୍ଲୀ-ଏନସିଆର ଅଞ୍ଚଳରେ ପ୍ରାୟ ୫୦,୦୦୦ କର୍ମଚାରୀ, ପାରାମିଲିଟାରୀ ଏବଂ ରିଜର୍ଭ ଫୋର୍ସ ନିୟୋଜିତ ଅଛନ୍ତି । ଜାତୀୟ ରାଜଧାନୀରେ ଅତି କମରେ ୧୨ ଟି ମେଟ୍ରୋ ଷ୍ଟେସନରେ ଶୃଙ୍ଖଳାକୁ ଦୃଷ୍ଟିରେ ରଖି ପ୍ରବେଶ ଏବଂ ପ୍ରସ୍ଥାନ ବନ୍ଦ କରିବାକୁ ସତର୍କ କରାଯାଇଛି ।