ଓଡ଼ିଶା ଟୁଡ଼େ ଇଂରାଜୀ ପତ୍ରିକାର ୨୦ତମ ବାର୍ଷିକ ଉତ୍ସବ ସମାରୋହରେ ବେଷ୍ଟ ସରପଞ୍ଚ ଭାବେ ବଙ୍ଗୋମୁଣ୍ଡା ସରପଞ୍ଚ ସମ୍ବର୍ଦ୍ଧିତ

ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ଭୁବେନେଶ୍ୱର ଗୀତ ଗୋବିନ୍ଦ ସଦନ ପରିସରରେ ଓଡିଶା ଟୁଡ଼େ ଇଂରାଜୀ ପତ୍ରିକାର ୨୦ତମ ବାର୍ଷିକ ଉତ୍ସବରେ ରାଜ୍ୟର ବେଷ୍ଟ ସରପଞ୍ଚ ଭାବେ ସମ୍ବର୍ଦ୍ଧିତ ହେଲେ ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଗ୍ରାମ ପଞ୍ଚାୟତର ସରପଞ୍ଚ ଅଜିତ କୁମାର ଯୋଶୀ । ଏଥିରେ ରାଜ୍ୟର ବିଶିଷ୍ଟ ଅତିଥି ମାନେ ଉପସ୍ଥିତ ରହି ଶ୍ରୀ ଯୋଶୀଙ୍କୁ ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ଶ୍ରୀ ଯୋଶୀ ବଙ୍ଗୋମୁଣ୍ଡା ସରପଞ୍ଚ ଭାବେ କାର୍ଯ୍ୟ କରି ବିଭିନ୍ନ ସମୟରେ ଲୋକଙ୍କ ଦୁଃଖସୁଖରେ ସାମିଲ ହୋଇଥାନ୍ତି । ଦିନ ହେଉ କି ରାତି ସବୁ ସମୟରେ ଲୋକଙ୍କ ସେବା ଜାରି ରଖିଛନ୍ତି । ଶ୍ରୀ ଯୋଶୀଙ୍କୁ ସମ୍ବର୍ଦ୍ଧିତ କରାଯାଇଥିବାରୁ ତାଙ୍କ ପାଖକୁ ପ୍ରଶଂସାର ସୁଅ ଛୁଟୁଛି । ବିଭିନ୍ନ ଅନୁଷ୍ଠାନ ପକ୍ଷରୁ ତାଙ୍କୁ ସ୍ୱାଗତ କରାଯାଉଛି । ଆଗକୁ ଏହି ଭଳି ସେବା ଜାରି ରହିବ ବୋଲି ଶ୍ରୀ ଯୋଶୀ ଗଣମାଧ୍ୟମକୁ ଜଣାଇଛନ୍ତି ।