ବଲାଙ୍ଗିର, (କେପିଏନ୍ଏସ୍) : ବିଜାଖମନ ସ୍ଥିତ କଦଳୀମୁଣ୍ଡା ଫରେଷ୍ଟ ନର୍ସରିରେ ପୃଥ୍ୱୀରାଜ ଉଚ୍ଚ ବିଦ୍ୟାଳୟ ୨୦୦୨ ମେଟ୍ରିକ୍ ବେଚର ବାର୍ଷିକ ବନ୍ଧୁମିଳନ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପୃଥ୍ୱୀରାଜ ଉଚ୍ଚ ବିଦ୍ୟାଳୟ ୨୦୦୨ ମେଟ୍ରିକ୍ ବେଚ୍ର ବହୁ ପୁରାତନ ଛାତ୍ର ଯୋଗଦେଇଥିବା ବେଳେ ଜିଲ୍ଲା ତଥା ରାଜ୍ୟ ବାହାରେ ଚାକିରୀ କରୁଥିବା ଅନେକ ବନ୍ଧୁ ମଧ୍ୟ ଆସି ଯୋଗଦାନ କରିଥିଲେ । ସ୍ଵର୍ଗାରୋହଣ କରିଥିବା ଦିବଂଗତ ୫ ଜଣ ବନ୍ଧୁଙ୍କ ସ୍ମୃତିରେ ଉପସ୍ଥିତ ସମସ୍ତ ବନ୍ଧୁଙ୍କ ସହ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ କରାଯାଇଥିଲା । ବାହାରେ ରହୁଥିବା କିଛି ବନ୍ଧୁ ବ୍ୟକ୍ତିଗତ କାରଣରୁ ଏହି କାର୍ଯ୍ୟକ୍ରମରେ ଯୋଗଦେଇ ପାରି ନଥିବାରୁ ଭିଡିଓ କଲ୍ ମାଧ୍ୟମରେ ଯୋଗଦାନ କରିଥିଲେ । ବନ୍ଧୁତ୍ୱ ଭାବର ଆଦାନ ପ୍ରଦାନ ସହ ପରସ୍ପରଙ୍କ ସୁଖରେ ଦୁଃଖରେ ଏକତ୍ରିତ ହୋଇ ଛିଡା ରହିବା ଏବଂ ଏହି ବର୍ଦ୍ଧିତ ବୟସରେ ପ୍ରକୃତ ବନ୍ଧୁତାର ପରିଚୟ ସୃଷ୍ଟି କରିବାର ଆବଶ୍ୟକତା ନେଇ ଆଲୋଚନା କରାଯାଇଥିଲା । ବଣଭୋଜି, ନାଚଗୀତର ଆସର ଜମିବା ପରେ ଶେଷରେ ସମସ୍ତେ ପରସ୍ପରକୁ ଅଭିବାଦନ ଜଣାଇବା ସହିତ ଏକ ଭାବବିହ୍ଵଳ ପରିବେଶରେ ନିଜ ନିଜ ଗନ୍ତବ୍ୟ ସ୍ଥାନକୁ ଫେରିଥିଲେ । ଆସନ୍ତା ୨୦୨୭ ମସିହାରେ ୨୦୦୨ ମେଟ୍ରିକ୍ ବେଚର ୨୫ ବର୍ଷ ପୂର୍ତ୍ତି ଅବସରରେ ରୂପକ ଜୟନ୍ତୀ ଧୁମଧାମରେ ପାଳନ କରାଯିବା ସହ ସ୍ମରଣୀୟ କରିବା ପାଇଁ ମତପ୍ରକାଶ ପାଇଥିଲା ।