କଂଟାବାଂଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଅଧିନସ୍ଥ ଚାଉଲସୁଖା ପଂଚାୟତ ହାଇସ୍କୁଲରେ ଜାତୀୟ ତମାଖୁ ନିୟନ୍ତ୍ରଣ ଦିବସ-୨୦୨୩ ଗୁରୁବାର ଦିନ ପାଳିତ ହୋଇଯାଇଛି । ବିଦ୍ୟାଳୟ ପରିସରରେ ଅନୁଷ୍ଠିତ ଏହି ଦିବସ ତୁରେକେଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଦ୍ୱାରା ଅନୁଷ୍ଠିତ ହୋଇଥିଲା । ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ତମାଖୁ ତଥା କୌଣସି ନିଶାଦ୍ରବ୍ୟ ବ୍ୟବହାର ନ କରିବା ପାଇଁ ସଚେତନତା କରାଯାଇଥିଲା । ଏହି ସଚେତନତା ଶିବିରରେ ତୁରେକେଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡା. ଚିନ୍ମୟ ସ୍ୱାଇଁ ଛାତ୍ରଛାତ୍ରୀମାନଙ୍କୁ ତମାଖୁ ବ୍ୟବହାର ଦ୍ୱାରା ଶରୀର କିପରି କ୍ଷତି ହେବା ସହ ବିଭିନ୍ନ ରୋଗର ଶିକାର ହୁଅନ୍ତି ସେ ଉପରେ କହିଥିଲେ । ଏହି ତମାଖୁ ନିରୋଧ ଦିବସ ପାଳନ ଉପରେ ପଂଚାୟତର ସମସ୍ତ ଗ୍ରାମର ଆଶାକର୍ମୀ, ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଣୟ କିଶୋର ଖମାରୀ, ଶିକ୍ଷକ ସୁଶାନ୍ତ କୁମାର ସାହୁ, ମନୋଜ ମହାପାତ୍ର, ଅନନ୍ତ ମେହେର, ଡମ୍ବରୁଧର ମେହେର ସହଯୋଗ କରିଥଲେ । ସଭା ଶେଷରେ ଗ୍ରାମରେ ସଚେତନତା ରାଲି କରାଯାଇଥିଲା ।