ବଲାଙ୍ଗିର, (କେପିଏନ୍ଏସ୍) : ସହଯୋଗ ଫାଉଣ୍ଡେସନ ବଲାଙ୍ଗିର ସ୍ଥାନୀୟ ବ୍ଲଡ ବ୍ୟାଙ୍କରେ ରକ୍ତଦାନ ଏବଂ ସଚେତନତା ଶିବିର ଆୟୋଜନ କରିଥିଲା । ଏହି ଶିବିରରେ ସମୁଦାୟ ୪୧ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । ମୁଖ୍ୟ ଅତିଥି ଭାବରେ ଉପସ୍ଥିତ ଥିଲେ ଏସ୍ଡିପିଓ କେନ୍ଦୁଝର ଜ୍ୟୋର୍ତିର୍ମୟୀ ଭୁକ୍ତା । ସେ କହିଛନ୍ତି ଯେ ପ୍ରତ୍ୟେକ ରକ୍ତଦାତା ଦେଶର ଜଣେ ଯୋଦ୍ଧା ଅଟନ୍ତି । ଅନ୍ୟ ସମ୍ମାନିତ ଅତିଥି ସୁଶ୍ରୀ ସୁଜତା ଦିସ୍ରି ଯୋଗ ଶିକ୍ଷକ କହିଛନ୍ତି ଯେ ରକ୍ତ ଦାନ କରିବା ଦ୍ୱାରା ଶାରୀରିକ ଏବଂ ମାନସିକ ସୁଖ ମିଳିଥାଏ । ଏହି ଶିବିର ସ୍ୱାସ୍ଥ୍ୟ ଏବଂ ସମାଜ ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଯାହା ଲୋକଙ୍କୁ ରକ୍ତଦାନର ମହତ୍ୱ ବିଷୟରେ ଅବଗତ କରାଇବାରେ ସାହାଯ୍ୟ କରିବ । ସ୍ୱାସ୍ଥ୍ୟ ଏବଂ ରୋଗ ନିୟନ୍ତ୍ରଣ ପାଇଁ ରକ୍ତଦାନ ଶିବିର ଆୟୋଜନ ଗୁରୁତ୍ୱପୂର୍ଣ୍ଣ ଅଟେ । ରକ୍ତଦାନ ଶିବିରର ମୂଳ ଉଦ୍ଦେଶ୍ୟ ହେଉଛି ରକ୍ତ ଆବଶ୍ୟକତାକୁ ପୂରଣ କରିବା । ରକ୍ତ ଦାନ ଶରୀରରେ ନୂତନ ରକ୍ତ ସୃଷ୍ଟି କରେ ଏବଂ ଏହା ଏକ ସୁସ୍ଥ ଜୀବନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ରକ୍ତ ଦାନ ଶିବିର ଗୁଡିକ ନିୟମିତ ଭାବରେ ସଂଗଠିତ ହେବା ଉଚିତ ଯାହା ଲୋକଙ୍କ ମଧ୍ୟରେ ରକ୍ତଦାନ ବିଷୟରେ ସଚେତନତା କରିଥାଏ ଏବଂ ସେମାନେ ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟରେ ଅଂଶଗ୍ରହଣ କରିବାର ସୁଯୋଗ ପାଇଥାନ୍ତି । ଆଜିର ରକ୍ତଦାନ ଶିବିରକୁ ସଫଳ କରିବାରେ ଆର୍ତ୍ତତ୍ରାଣ ପାଢ଼ୀ, ପ୍ରଭାତ ଶ୍ରୀବାସ୍ତବ, ସୁଦୀପ ତ୍ରିପାଠୀ, ଟୋଫାନ୍ ପାତ୍ର, ସନ୍ତୋଷ ଲାଲ, ନାସିର ଖାନ୍, ଦୀପକ ଜୈନ, ରାମନାରାୟଣ ଦାସ ଏବଂ ସମସ୍ତ ବ୍ଲଡ ବ୍ୟାଙ୍କ କର୍ମଚାରୀ ପ୍ରମୁଖ ଭୂମିକା ଗ୍ରହଣ କରିଥିଲେ । ସହଯୋଗ ଫାଉଣ୍ଡେସନ ସମ୍ପାଦିକା ପିଙ୍କି ମୋଦୀ ଏହି ଅବସରରେ କହିଛନ୍ତି ଯେ ରକ୍ତଦାନ ଶିବିର ତଥା ସଚେତନତା ଶିବିର ଆଗକୁ ମଧ୍ୟ ଜାରି ରହିବ ।