ରାଉରକେଲା, (ସସ୍ମିତା ପ୍ରଧାନ) : ନବବର୍ଷ ଉପଲକ୍ଷେ ଆଜି ବାସନ୍ତୀ କଲୋନୀ ସ୍ଥିତ ଦୁର୍ଗାପୁର ବସ୍ତିରେ “ଦି ହୁମାନିଟି ଫାଉଣ୍ଡେସନ” ତରଫରୁ କିଛି ଶୀତବସ୍ତ୍ର ଓ କମ୍ବଳ ବଣ୍ଟନ କରାଯାଇଛି । ଉକ୍ତ ବସ୍ତିରେ ବିଭିନ୍ନ ସୁବିଧା ଅସୁବିଧା ବିଷୟରେ ବସ୍ତି ବାସିନ୍ଦାଙ୍କ ସହିତ ଆଲୋଚନା କରାଯାଇଥିଲା । ପ୍ରାୟ ୧୦୦ରୁ ଅଧିକ ଲୋକଙ୍କ ଉପସ୍ଥିତିରେ କମ୍ବଳ ସହିତ ବିଭିନ୍ନ ପ୍ରକାରର ବସ୍ତ୍ର ମଧ୍ୟ ପ୍ରଦାନ କରାଯାଇଥିଲା । ନୂତନ ବର୍ଷରେ ପ୍ରଥମ କାର୍ଯ୍ୟକ୍ରମଟି ଅତି ସୁନ୍ଦର ଭାବରେ ସମ୍ପାଦନ ହୋଇଥିଲା । ଉକ୍ତ କାର୍ଯ୍ୟକ୍ରମଟି ଫାଉଣ୍ଡେସନର ପ୍ରେସିଡେଣ୍ଟ ତଥା ସମାଜସେବୀ ଦୀପ୍ତି ସୁନ୍ଦରାୟ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ “ଦି ହୁମାନିଟି ଫାଉଣ୍ଡେସନ”ର ଭାଇସ ପ୍ରେସିଡେଣ୍ଟ କାର୍ତ୍ତିକ ରାଉତ, ସମ୍ପାଦିକା ଲିନା ତ୍ରିପାଠୀ, ସହ ସମ୍ପାଦିକା ଶୁଭଲକ୍ଷ୍ମୀ ପାତ୍ର , ଉପଦେଷ୍ଟା ଗ୍ରେସୀ ଡେଭିଡ, ବ୍ରିଜେଶ ସାର, କୋଷାଧ୍ୟକ୍ଷ ଅଞ୍ଜଳି ବିଶ୍ଵାଳ, ନାମିତ ନାୟକ, ଗାୟତ୍ରୀ, ଶଶିଲତା କର ଓ ବିଜୟ ସୁନ୍ଦରାୟଙ୍କ ସହାୟତାରେ ସୁଚାରୁ ରୂପେ ପରିଚାଳିତ ହୋଇଥିଲା ।