କଟକ/ଚୌଦ୍ୱର : ବିଲକୁ ଓଲଟିଲା ଘରୋଇ ସ୍କୁଲ ବସ୍ । ଅଳ୍ପକେ ବର୍ତ୍ତିଗଲେ ୧୦ ଅଧିକ ଛାତ୍ରଛାତ୍ରୀ । ଦୁର୍ଘଟଣା ଯୋଗୁଁ କାହାର କିଛି କ୍ଷତି ହୋଇନଥିବା ସୂଚନା ମିଳିଛି । ବସ୍ ଭିତରୁ ଛାତ୍ରଛାତ୍ରୀମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।ଘଟଣାସ୍ଥଳରେ ସ୍ଥାନୀୟ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସୂଚନା ମୁତାବିକ, କଟକ ଚୌଦ୍ୱାର ପୋଟଲେଇ ନିକଟରେ ରାସ୍ତା କଡକୁ ଘରୋଇ ସ୍କୁଲ ବସ୍ଟି ଭାରସାମ୍ୟ ହରାଇ ବଲ ତଳକୁ ଖସିପଡିଲା । ପିଲାଙ୍କୁ ସ୍କୁଲ ଅଭିମୁଖେ ଯାଉଥିବା ବେଳେ ବସଟି ବାମପଟକୁ ଓଲଟିପଡିଥିଲା। ବସ୍ ଭିତରେ ଫସି ରହିଥିବା ୧୦ ଜଣ ଛାତ୍ରଛାତ୍ରୀଙ୍କୁ ସ୍ଥାନୀୟ ଲୋକ ଉଦ୍ଧାର କରିଛନ୍ତି । ତେବେ ବଡ ଦୁର୍ଘଟଣାରୁ ସ୍କୁଲ ବସ୍ଟି ଅଳ୍ପକେ ବର୍ତ୍ତିଯାଇଛି। ଦୁର୍ଘଟଣା ଯୋଗୁଁ କାହାର କିଛି କ୍ଷତି ହୋଇନଥିବା ସୂଚନା ମିଳିଛି । ଘଟଣାସ୍ଥଳରେ ସ୍ଥାନୀୟ ପୋଲିସ ପହଞ୍ଚି ବସ୍ ଜବତ କରିବା ସହ ତଦନ୍ତ ଆରମ୍ଭ କରିଛି ।