ଦେଓଗାଁ, (ମନୀଷ କୁମାର ସାହୁ) : ଚଳିତ ବର୍ଷ ହେବାକୁ ଥିବା ପଞ୍ଚାୟତ ନିର୍ବାଚନରେ ଦେଓଗାଁ ବ୍ଳକ ଘୁଡ଼ଖାପଲା ସରପଞ୍ଚ ଭାବେ ଜୀବନୀ ଦାଶ ନିଦ୍ୱନ୍ଦରେ ନିର୍ବାଚିତ ହୋଇଥିବା ଜଣାପଡ଼ିଛି । ସରକାରୀ ଭାବେ ଘୋଷଣା ହୋଇ ନଥିଲେ ମଧ୍ୟ ସୋମବାର ଦିନ ପ୍ରାର୍ଥୀପତ୍ର ପ୍ରତ୍ୟାହାରର ପ୍ରଥମ ଦିନରେ ଏହି ପଞ୍ଚାୟତର ସରପଞ୍ଚ ପାଇଁ ପ୍ରାର୍ଥୀପତ୍ର ଦାଖଲ କରିଥିବା ଦୁଇ ଜଣ ଜିବନୀ ଦାଶ ଓ ପ୍ରିତୀ ବିଶ୍ୱାଲ ମଧ୍ୟରୁ ପ୍ରିତୀ ବିଶ୍ୱାଲ ପ୍ରତ୍ୟାହାର କରି ନେଇଥିବା ଜଣାପଡ଼ିଛି । ସେ ସରପଞ୍ଚ ଭାବେ ନିର୍ଦ୍ଵନ୍ଦରେ ନିର୍ବାଚିତ ହୋଇଥିବାରୁ ପଞ୍ଚାୟତବାସୀଙ୍କ କୃତଜ୍ଞତା ଜଣାଇଛନ୍ତି ।