ଖପ୍ରାଖୋଲ, (ଅଶୋକ କୁମାର ବାଗ) : ଉଲ୍ଲେଖନୀୟ ସେବା ଏବଂ କର୍ତ୍ତବ୍ୟନିଷ୍ଠ ଭାବେ କାର୍ଯ୍ୟ ସମ୍ପାଦନ ନିମନ୍ତେ ବଲାଙ୍ଗିର ଜିଲ୍ଲା ପ୍ରଶାସନ ପକ୍ଷରୁ ତୁରେକେଲା ଥାନା ଓଆଇସି ରମାକାନ୍ତ ସାହୁଙ୍କୁ ଆୟୋଜିତ ଏକ ଭବ୍ୟ ସମ୍ବର୍ଦ୍ଧନା ସମାରୋହରେ ଶ୍ରେଷ୍ଠ ପ୍ରଦର୍ଶିତ ଥାନାଧିକାରୀ ଭାବେ ପୁରସ୍କୃତ କରିଛନ୍ତି । ସୂଚନା ଅନୁସାରେ ବୁଧବାର ବଲାଙ୍ଗିର ଭୀମ ଭୋଇ ମେଡିକାଲ କଲେଜ ପ୍ରାଙ୍ଗଣରେ ଭାରତରତ୍ନ ଅଟଳବିହାରୀ ବାଜପେୟୀଙ୍କ ଜନ୍ମ ଜୟନ୍ତୀ ସହ ଜିଲ୍ଲା ସ୍ତରୀୟ ସୁଶାନ ଦିବସ ପାଳିତ ହୋଇଯାଇଛି । ଏହି ଅବସରରେ ଓଡ଼ିଶାର ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ ସଶକ୍ତିକରଣ, ଶକ୍ତି ମନ୍ତ୍ରୀ କନକ ବର୍ଦ୍ଧନ ସିଂହଦେଓ ଶ୍ରୀ ସାହୁଙ୍କୁ ଶ୍ରେଷ୍ଠ ପ୍ରଦର୍ଶିତ ଥାନାଧିକାରୀ ଭାବେ ପୁରସ୍କୃତ କରିଛନ୍ତି । ଅଞ୍ଚଳକୁ ନକ୍ସଲାଇଟରୁ ମୁକ୍ତ କରିବା, କଫ ସିରପ୍ ଚୋରା ଚାଲାଣ ରୋକିବା ଓ ଆଇନ ଶୃଙ୍ଖଳା ପରିସ୍ଥିତି ମାମଲା ପରିଚାଳନାରେ ଉଲ୍ଲେଖନୀୟ ପ୍ରଦର୍ଶନ କରିଛନ୍ତି ଶ୍ରୀ ସାହୁ । ଯାହା ବଲାଙ୍ଗିର ଜିଲ୍ଲା ସହ ତୁରେକେଲା ପୋଲିସ ପାଇଁ ସମ୍ମାନ ଏବଂ ଗୌରବ ଆଣିଛି । ଶ୍ରୀ ସାହୁ ଜଣେ ଦକ୍ଷ, ସଚ୍ଚୋଟ ଓ କର୍ତ୍ତବ୍ୟ ନିଷ୍ଠ ପୋଲିସ ଅଧିକାରୀ ଅଟନ୍ତି । ତେବେ ଶ୍ରୀ ସାହୁଙ୍କ ଦାୟିତ୍ୱବଦ୍ଧତା ଓ ଉତ୍ତମସେବା କାର୍ଯ୍ୟ ପାଇଁ ଆଜି ବିଭିନ୍ନ ମହଲରୁ ଶୁଭେଚ୍ଛା ଆସୁଥିବା ଶ୍ରୀ ସାହୁ ପ୍ରକାଶ କରିଛନ୍ତି । ଆଗାମୀ ଦିନରେ ଅଧିକ ସ୍ୱଚ୍ଛଳ ଭାବମୂର୍ତ୍ତି ସହିତ ଅଧିକ କାର୍ଯ୍ୟ କରିବାର ପ୍ରେରଣା ଯୋଗାଇବ ବୋଲି ସମ୍ମାନିତ ହୋଇଥିବା ତୁରେକେଲା ଥାନା ଅଧିକାରୀ ରମାକାନ୍ତ ସାହୁ କହିଛନ୍ତି ।