ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡର ବିଭିନ୍ନ ଥାନା ଅଞ୍ଚଳରେ ଗତ କିଛିଦିନ ହେବ ଚୋରି ହାର ବଢିଥିବା ବେଳେ ଆଜି ଏହିସବୁ ଚୋରି କାର୍ଯ୍ୟକଳାପର ପର୍ଦ୍ଦାଫାସ କରିଛି ପଦ୍ମପୁର ପୋଲିସ । ଗାଇସିଲାଟ ଅଞ୍ଚଳର ମୋଟ ପ୍ରାୟ ୪ ଜଣ ଚୋରଙ୍କୁ ଗିରଫ କରିବା ସହ ସମସ୍ତଙ୍କୁ କୋର୍ଟ ଚାଳାଣ କରାଯାଇଛି । ଚୋରମାନଙ୍କ ଠାରୁ ବହୁ ଚୋରି ସାମଗ୍ରୀ ଯଥା- ଇନଭଟର, ବେଟେରି, ମୋବାଇଲ୍, ଷ୍ଟେବିଲାଇଜର୍, କମ୍ପୁଟର ଆଦି ପ୍ରାୟ ୫ଲକ୍ଷ ଟଙ୍କାର ସମଗ୍ରୀ ଜବତ କରିଛି ପୋଲିସ । ଏ ନେଇ ଆଜି ଏକ ସାମ୍ବାଦିକ ସମ୍ମିଳନୀରେ ପଦ୍ମପୁର ପୋଲିସ ଅଧିକାରୀ ସୂଚନା ଦେଇଛନ୍ତି ।