ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଜରାସିଂହା ବ୍ରଜେନ୍ଦ୍ର ନାରାୟଣ ଏଥ୍ଲେଟିକ୍ ଏସୋସିଏସନ୍ ଆନୁକୂଲ୍ୟରେ ସ୍ଥାନୀୟ ମିନି ଷ୍ଟାଡିୟମରେ ବୁଧବାର ଦିନ ଏକ ଦିବସୀୟ ଫୁଟବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତାରେ ଅଞ୍ଚଳର ୮ଟି ବିଶିଷ୍ଟ ଦଳ ଭାବେ ଜରାସିଂହା (ଜୁନିୟର), ବର୍ଲା, ବଡ଼ଙ୍ଗୋମୁଣ୍ଡା, ଅନ୍ତଲ୍ଲା, ତୁଷୁରା, କରେଲଧୁଆ, ନାଇକେନସିରା, ଘୁଚିପାଲି ଅଂଶ ଗ୍ରହଣ କରିଥିଲେ । ପ୍ରତିଯୋଗିତାର ଫାଇନାଲ ଖେଳରେ ଜରାସିଂହା ଓ ଘୁଚିପାଲି ପହଞ୍ଚିଥିଲେ । ଟ୍ରାଇବେକର ଜରିଆରେ ୪/୩ ଗୋଲରେ ଘୁଚିପାଲି ଦଳ ଚାମ୍ପିଅନ୍ ହୋଇଥିଲା । ଏହି ଅବସରରେ ମୁଖ୍ୟ ଅତିଥିଭାବେ ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରୀ ଓ ଜରାସିଂହା ସରପଞ୍ଚ କୁସମଣୀ ମେହେର ଉପସ୍ଥିତ ଥିଲେ । ସତ୍ୟ ଦଣ୍ଡସେନା, ଜ୍ୟୋତିଷ ସିଂ, ମାନସ ବକୁଳ, ପ୍ରହଲ୍ଲାଦ ମାଝି, ରାଜ ଦଣ୍ଡସେନା, କପିଳେଶ୍ୱର ନାଏକ, ପ୍ରଦୀପ ଚନ୍ଦନ ପ୍ରମୁଖ ଖେଳ ପରିଚାଳନା କରିଥିବା ବେଳେ ବସନ୍ତ ପତ୍ରିମାଳୀ, ଭୂଲା, କରୁଣା, ମୋତିଲାଲ, ଶ୍ରୀତମ, କିସାନ, ରାଜପାଳ ପ୍ରମୁଖ ସହଯୋଗ କରିଥିଲେ ।