ଢେଙ୍କାନାଳ : ଲୁଟ୍ ବାଇକ୍ ସହ ତିନି ଜଣ ଲୁଟେରାଙ୍କୁ ଗିରଫ କରିଛି ପୋଲିସ । ବଡ଼ କଥା ହେଲା, ଗିରଫଙ୍କ ମଧ୍ୟରେ ୨ଜଣ ନାବାଳକ ରହିଥିବା କୁହାଯାଇଛି । ସିସିଟିଭି ଫୁଟେଜ୍ ଆଧାରରେ ଭୁବନେଶ୍ୱର ନୟାପଲ୍ଲୀ ଅଞ୍ଚଳରୁ ଗିରଫ କରିଛି ଢେଙ୍କାନାଳ ଥାନା ପୋଲିସ ବୋଲି ସୂଚନାରେ କୁହାଯାଇଛି । ପ୍ରାପ୍ତ ସୂଚନା ଅନୁଯାୟୀ କିଛି ଦିନ ହେଲା ମିଶି ବାଇକ ଲୁଟ୍ ହେଉଥିଲା ।ଢେଙ୍କାନାଳରୁ ଏହି ବାଇକ ଲୁଟ୍ ରାକେଟ ଭୁବନେଶ୍ୱର ଯାଏ ଲମ୍ବିଥିବା ବେଳେ ସିସିଟିଭି ଫୁଟେଜରୁ ଏମାନଙ୍କ ଏହି ରାକେଟର ପର୍ଦ୍ଦାଫାସ ହୋଇଥିବା ଚର୍ଚ୍ଚା ହେଉଛି । ଭୁବନେଶ୍ୱର ନାୟପଲ୍ଲୀରୁ ଏକ ବଜାଜ ପଲସର ଟୁ-୨୦କୁ ଢେଙ୍କାନାଳ ଟାଉନ ପୋଲିସ ଉଦ୍ଧାର ମଧ୍ୟ କରିଛି । ଏଥିରେ ସମ୍ପୃକ୍ତ ଢେଙ୍କାନାଳ ଗୋବିନ୍ଦପୁରର ଇନ୍ଦ୍ରଜିତ ଚକ୍ର ନାମକ ଜଣେ ଯୁବକ ସହ ଅନ୍ୟ ଦୁଇଜଣ ନାବାଳକଙ୍କୁ ଗିରଫ ହୋଇଥିବା ଜଣାପଡ଼ିଛି ।