ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ଦିବ୍ୟାଙ୍ଗ ମାନଙ୍କ ପାଇଁ ସରକାରୀ ଯୋଜନା ଅନେକ ରହିଛି , କିନ୍ତୁ ୮ ବର୍ଷର ମାନସିକ ରୋଗୀ ପାଇଁ ଯୋଜନା ଅପହଞ୍ଚ ହୋଇପଡିଛି । ବଲାଙ୍ଗିର ଜିଲା ବଙ୍ଗୋମୁଣ୍ଡା ବ୍ଲକ ଅଲଣ୍ଡା ପଞ୍ଚାୟତର ନୂଆପଡା ଗାଁ ଭୀଷ୍ମ ପୁଞ୍ଜିଙ୍କ ପୁଅ ପ୍ରଭାତ ପୁଞ୍ଜି ଜନ୍ମରୁ ମାନସିକ ରୋଗୀ । ୮ ବର୍ଷ ପରେ ମଧ୍ୟ ମିଳୁନି ସରକାରୀ ଯୋଜନା । ହସିବା ଖେଳିବା ବୟସରେ ଘରେ ବନ୍ଧା ପଡି ରହୁଛି ୮ ବର୍ଷର ଶିଶୁ ପ୍ରଭାତ ପୁଞ୍ଜି । ଜନ୍ମରୁ ମାନସିକ ଅନଗ୍ରସର । ବହୁ ଚିକିତ୍ସା ପରେ ମଧ୍ୟ ପୁଅର ମାନସିକ ଅବସ୍ଥାରେ ସୁଧାର ଆସୁ ନାହିଁ । ଏହି ଗରିବ ପରିବାର ଧାର କରଜ କରି ବଲାଙ୍ଗିର, ଭବାନୀ ପାଟଣା, ରାୟପୁର ଆଦି ବିଭିନ୍ନ ଡାକ୍ତରଖାନାରେ ଚିକିତ୍ସା କରିସାରିଲେଣି । କିନ୍ତୁ ପୁଅର ମାନସିକ ସ୍ତରରେ ଉନ୍ନତି ଘଟୁ ନାହିଁ କେତେବେଳେ କେମିତି ମାନସିକ ଅବସ୍ଥା ବିଗିଡିଗଲେ ନିୟନ୍ତ୍ରଣରେ ରଖି ହେଉନାହିଁ । ବାଧ୍ୟ ହୋଇ କାମ ଧନ୍ଦା ଛାଡି ସବୁବେଳେ ପୁଅ ପାଖରେ ଜଗି ରହୁଛନ୍ତି ମା ଭୁମିସୁତା । ପୁଅର ସେବାଯତ୍ନରେ ସମୟ ବିତିଯାଉଛି । ପୁଅର ମାନସିକ ଅବସ୍ଥା ସହ ପେଟର ଜ୍ୱାଳା ଆହୁରି ଦୟନୀୟ । ବାପା କୁଳି ମଜୁରୀ କରି ପରିବାର ପ୍ରତିପୋଷଣ କରନ୍ତି । ପୁଅର ଏଭଳି ଅବସ୍ଥା ଯୋଗୁଁ ମା କାମ କରିବାକୁ ଯାଇ ପାରନ୍ତି ନାହିଁ । ବହୁ କଷ୍ଟରେ ପରିବାର ଚଳୁଥିବା ବେଳେ ଭିନ୍ନକ୍ଷମ ଭତ୍ତା ଖଣ୍ଡିଏ ମଧ୍ୟ ମିଳିନାହିଁ । ଭତ୍ତା ଖଣ୍ଡିଏ ମିଳିଲେ ପୁଅର ଔଷଧ ଖର୍ଚ୍ଚ ହୋଇପାରନ୍ତା ବୋଲି କୁହନ୍ତି ମା ଭୁମିସୁତା । କେବଳ ଚାଉଳ ଗଣ୍ଡାକ ମିଳୁଛି । ଯାହା ଥିଲା ପୁଅର ଚିକିତ୍ସାରେ ଖର୍ଚ୍ଚ ହୋଇସାରିଛି । ଧାର କରଜ କରି ଚିକିତ୍ସା ମଧ୍ୟ କରିସାରିଲେଣି କିନ୍ତୁ , ପୁଅର ସ୍ୱାସ୍ଥ୍ୟଗତ ଉନ୍ନତି ହେଉ ନାହିଁ । କୁନି କୁନି ଶିଶୁଙ୍କ ସହ ମିଶି ଖେଳିବା, ପାଠ ପଢିବା ବୟସରେ ପୁଅର ଏଭଳି ଅବସ୍ଥାରେ ଭାଙ୍ଗିପଡିଛନ୍ତି ପରିବାର ଲୋକେ । ସାମର୍ଥ୍ୟ ମତେ ଚିକିତ୍ସା ମଧ୍ୟ କରିସାରିଲେଣି । ପୁଅର ଏଭଳି ଦୟନୀୟ ଅବସ୍ଥା ଯୋଗୁଁ ପରିବାର ଲୋକେ ଚିନ୍ତିତ ହୋଇପଡିଛନ୍ତି । ଅର୍ଥାଭାବରୁ ପୁଅର ଚିକିତ୍ସା କରିବାରେ ସକ୍ଷମ ନୁହଁନ୍ତି । ସରକାରୀ, ବେସରକାରୀ ଅନୁଷ୍ଠାନ କିମ୍ବା ବଦାନ୍ୟ ବ୍ୟକ୍ତି ଆର୍ଥିକ ସାହାଯ୍ୟ କଲେ ଉଚ୍ଚତର ଚିକିତ୍ସା କରିପାରନ୍ତେ ବୋଲି ଆଶା କରିଛନ୍ତି ପରିବାର ଲୋକେ । ସେପଟେ ବଙ୍ଗୋମୁଣ୍ଡା ବିଡ଼ିଓ ଏଦିଗରେ ଆବଶ୍ୟକ ପଦକ୍ଷେପ ନିଆଯିବ ବୋଲି କହିଛନ୍ତ । ଏହି ଦିବ୍ୟାଙ୍ଗ ଶିଶୁକୁ ଚିକିତ୍ସା ସୁବିଧା ଯୋଗାଇଦେବା ସହ ସରକାରୀ ଯୋଜନାରେ ସାମିଲ କରାଯିବାର ଆବଶ୍ୟକତା ରହିଛି । ସରକାରୀ,ବେସରକାରୀ ଅନୁଷ୍ଠାନ କିମ୍ବା ବଦାନ୍ୟ ବ୍ୟକ୍ତି ଆର୍ଥିକ ସାହାଯ୍ୟ କରିବାକୁ ଚାହିଁଲେ ସେମାନେ ବି ସହାୟତା କରି ପାରିବେ ।
ତାଙ୍କ ଠିକଣା ହେଲା
ଜିଲ୍ଲା-ବଲାଙ୍ଗିର
ବ୍ଲକ-ବଙ୍ଗୋମୁଣ୍ଡା
ଗ୍ରାମପଞ୍ଚାୟତ-ଅଲଣ୍ଡା
ଗ୍ରାମ – ନୂଆପଡ଼ା
ନାମ- ଭୀଷ୍ମ ପୁଞ୍ଜି
ଏକାଉଣ୍ଟ ନମ୍ବର – ୩୭୦୨୨୭୬୬୨୨୭
ଓୠଝଉ – ଝଈଓଘ୦୦୦୮୮୮୦
ଚାନ୍ଦୋତରା ଶାଖା, ଭାରତୀୟ ଷ୍ଟେଟ ବ୍ୟାଙ୍କରେ ସହାୟତା କରିପାରିବେ