ଖପ୍ରାଖୋଲ, (କ୍ରିଷ୍ଣା ସେଠୀ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଲାଠୋର ଠାରେ ବିଜେପି ପକ୍ଷରୁ ଲାଠୋର ସରପଞ୍ଚ ପ୍ରବୀଣ କୁମାରଙ୍କ ଅଧ୍ୟକ୍ଷତାରେ ପୂର୍ବତନ ପ୍ରଧାନ ମନ୍ତ୍ରୀ ସ୍ବର୍ଗତ ଅଟଳ ବିହାରୀ ବାଜପେୟୀଙ୍କ ଜୟନ୍ତୀ ସୁଶାସନ ଦିବସ ପାଳିତ ହୋଇଯାଇଛି । ଏ ଅବସରରେ ବିଜେପି ଦଳର ଖପ୍ରାଖୋଲ ବ୍ଲକ ଜୋନ-୩ ଯୁବ ସଭାପତି କାଶୀନାଥ ମେହେର ମଞ୍ଚ ପରିଚାଳନା କରିଥିଲେ ।ପରେ ବିଜେପିର କର୍ମକର୍ତ୍ତାମାନେ ବାଜପେୟୀଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରି ପୂଜା ଅର୍ଚ୍ଚନା କରିଥିବା ବେଳେ ଅଞ୍ଚଳରେ ପ୍ରବଳ ଶୀତ ହେଉଥିବା ସମୟରେ ବୃଦ୍ଧବୃଦ୍ଧା ମାନଙ୍କୁ କମ୍ବଳ ବଣ୍ଟନ କରିଥିଲେ ।
ଖପ୍ରାଖୋଲ ବ୍ଲକ ଜୋନ-୩ ଜିଲ୍ଲା ପରିଷଦ ବିପ୍ର ବିଶି, ଖପ୍ରାଖୋଲ ବ୍ଲକ ଜୋନ-୩ ସଭାପତି ଶଶି ପୁଝାରୀ, ଖପ୍ରାଖୋଲ ବ୍ଲକ ଜୋନ-୪ ସଭାପତି ଦେବକାନ୍ତ ପାଣିଗ୍ରାହୀ, କରସିଂ ଠାକୁର, ସୁଶାନ୍ତ ବେହେରା, କୁଞ୍ଜବିହାରୀ ସରାଫଙ୍କ ସହ ସାମ୍ବାଦିକ ଅଭୟ ତ୍ରିପାଠୀ, ସଦାନନ୍ଦ ବେହେରା, ବଂଶୀଧର ସେଠ, ସଦାଶିବ ସରାଫ, ପାର୍ଥବ ଭୁଏ, ପ୍ରକାଶ ବେହେରା, କ୍ରିଷ୍ଣା ସେଠୀ, ଘନଶ୍ୟାମ ସରାଫ ପ୍ରମୁଖ ଉପସ୍ଥିତ ଥିଲେ । ପରେ ରୋହିତ ଶବର ଶେଷରେ ଧନ୍ୟବାଦ ଦେଇଥିଲେ ।
