ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୩ ଖଡ୍ଗ ମନ୍ଦିର ପରିସରରେ ଖଣ୍ଡାୟତ କ୍ଷତ୍ରିୟ ମହାସଭା ମହିଳା ଶାଖା ତରଫରୁ ଆନ୍ତର୍ଜାତିକ ମହିଳା ଦିବସ ଓ ବିଶ୍ୱ ପଖାଳ ଦିବସ ପାଳନ କରାଯାଇଥିଲା । କାର୍ଯ୍ୟକାରୀ ସଭାପତି ଉପେନ୍ଦ୍ର ନାୟକଙ୍କ ସଭାପତିତ୍ୱ ଓ ସାଧାରଣ ସମ୍ପାଦକ ଶଶଧର ପାତ୍ରଙ୍କ ସଂଯୋଜନାରେ ରବିନ୍ଦ୍ର ପରିଡ଼ା ଅତିଥି ପରିଚୟ ପ୍ରଦାନ କରିଥିଲା ବେଳେ ଓ ଅତିଥି ଭାବେ ଇସ୍ପାତ କାରଖାନାର ବରିଷ୍ଠ ଅଧିକାରୀ ନିବେଦିତା ରାୟ ମହିଳା ଦିବସ ଉପରେ ଓ ପ୍ରଫେସର ଡଃ ସମର ମୁଦାଲି ପଖାଳ ଦିବସ ବିଷୟରେ ସାରଗର୍ଭକ ଭାଷଣ ଉପସ୍ଥାପନ କରିଥିଲେ । ଅନ୍ୟମାନଙ୍କ ମଧ୍ୟରେ ସାମ୍ବାଦିକ ସତ୍ୟାନନ୍ଦ ବେହେରା, ନାରୀନେତ୍ରୀ ମିନତି ବିଶ୍ଵାଳ, ତନୁ ପ୍ରଧାନ, ସପ୍ନା ଭଞ୍ଜଦେଓ ନିଜ ନିଜର ବକ୍ତବ୍ୟ ରଖିଥିଲେ । ସଭା ଶେଷରେପଖାଳ ସହିତ ସଂପୂର୍ଣ୍ଣ ଶାକାହାରୀ ଲେଉଟିଆ ଶାଗ ଭଜା, ବଡ଼ିଚୁରା, ଛୁଇଁଆଳୁ ଭଜା, ନିମ୍ବ କଢ ବାଇଗଣ ଭଜା, ଆଳୁ ବାଇଗଣ ଭର୍ତ୍ତା, କଞ୍ଚା ଆମ୍ବ ଚଟଣୀ, କଲରା ଆଳୁ ଭଜା, କାକୁଡି, କଞ୍ଚାଲଙ୍କା ସହିତ ଶତାଧିକ ମହିଳା ଓ ମହାସଭାର ସଦସ୍ୟ ପଖାଳର ମଜା ନେଇଥିଲେ । ଶେଷରେ ଜଗନ୍ନାଥ ରାଉତ ଧନ୍ୟବାଦ ଅର୍ପଣ କରିଥିଲେ ।