ବଲାଙ୍ଗିର, (ଦେବାଶିଷ ମିଶ୍ର) : ମାଲପଡା ନାଗରିକ କମିଟିର ଏକ ସାଧାରଣ ବୈଠକ ସଭାପତି ଯୁଧିଠିର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ମାଲପଡାର ବିଭିନ୍ନ ସମସ୍ୟା ଉପରେ ଆଲୋଚନା ହୋଇଥିଲା । ସଂପାଦକ ପଂଚାନନ ସେଠ ପୂର୍ବ ମାସର ବିବରଣୀ ପାଠ କରିଥିଲେ । ପୂର୍ବରୁ ନିର୍ଦ୍ଧାରିତ ପ୍ରସ୍ତାବ ଅନୁସାରେ ସଭ୍ୟମାନେ ମାଲପଡା ନାଗରିକ କମିଟିର ପୂର୍ବତନ ସଭାପତି ଡା. ଦଶରଥ ମିଶ୍ରଙ୍କୁ ତାଙ୍କ ବାସଭବନରେ ଉପଢୌକନ, ଫଲତୋଡା ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଉତ୍ତରରେ ଡା. ମିଶ୍ର ମାଲପଡା ନାଗରିକ କମିଟିର ଉତ୍ତୋରୋତ୍ତର ମଙ୍ଗଳ କାମନା କରିଥିଲେ । ଉକ୍ତ ସଭାରେ ପ୍ରଫେସର ତରୁଣ କୁମାର ମିଶ୍ର, ସାମାଜିକ କର୍ମୀ ଆକୁଳ ବେହେରା, ଦିବାକର ହୋତା, ଛବିଲାଲ ବେହେରା, ଉମାକାନ୍ତ ନାଥ ପ୍ରମୁଖ ଉପସ୍ଥିତ ଥିଲେ । ଗୋପବନ୍ଧୁ ପୁରୋହିତ ଧନ୍ୟବାଦ ଦେଇଥିଲେ ।