ବଙ୍ଗୋମୁଣ୍ଡା, (ହୁଲେଶ୍ୱର ହଂସ) : ନିଖୋଜ ନାବାଳକ ୭ ଦିନ ପରେ ଘରକୁ ଫେରିଛନ୍ତି । ସେ ବରୋବାହାଲ ଗାଁଠାରେ ଥିବା ବେଳେ ଉଦ୍ଧାର କରିଛନ୍ତି ପରିବାର ଲୋକେ । ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଥାନା କୁଣ୍ଡାବୁଟୁଲା ପଞ୍ଚାୟତ ବାଦିଚକା ଗାଁର ୧୫ ବର୍ଷୀୟ ନାବାଳକ ମୋହନ ନାଗ ଗତ ୧୫ ତାରିଖ ଦିନରୁ ନିଖୋଜ ଥିବା ବେଳେ ତାଙ୍କ ପତ୍ତା ମିଳୁନଥିଲା । ପରିବାର ଲୋକଙ୍କ ମଧ୍ୟରେ ଚିନ୍ତାର ବିଷୟ ପାଲଟିଥିଲା ।ନିଖୋଜର ୭ ଦିନ ପରେ ଘରକୁ ଫେରିଛନ୍ତି ନିଖୋଜ ନାବାଳକ । ତେବେ ଗାଁରେ ଖୁସିର ମାହୋଲ ଦେଖିବାକୁ ମିଳିଛି । ଏତେ ଦିନ ସେ କେଉଁଠି ଥିଲେ କିଛି ବି କହୁନାହାନ୍ତି । ପରିବାର ଲୋକେ ବଙ୍ଗୋମୁଣ୍ଡା ଥାନାର ଦ୍ୱାରସ୍ଥ ହୋଇ ମଧ୍ୟ ହାରି ଗୁହାରି କରିଥିଲେ । ବଙ୍ଗୋମୁଣ୍ଡା ଥାନାରେ ନିଖୋଜ ମାମଲା ରୁଜୁ କରି ତଦନ୍ତ ଚଳାଇଥିଲା ପୋଲିସ ।