ବଲାଙ୍ଗିର, (କେପିଏନ୍ଏସ୍) : ବଜ୍ରାଘାତରେ ବଲାଙ୍ଗିର ସହରର ଡେଲି ମାର୍କେଟର ଜଣେ ମହିଳା ପରିବା ବିକାଳୀଙ୍କ ମୃତ୍ୟୁ ହୋଇଥିବା ଖବର ମିଳିଛି । ମୃତ ମହିଳା ପରିବା ବିକାଳୀ ଜଣକ ହେଲେ ସହରର ରମାଇ ଗଳିର ସୁକାନ୍ତୀ ପୋଢ । ସୂଚନା ଯୋଗ୍ୟ ଯେ, ଗତକାଲି ସନ୍ଧ୍ୟା ସମୟରେ ବର୍ଷା ହେବା ସହ ବଜ୍ରାଘାତ ହେବା ଯୋଗୁଁ ଡେଲି ମାର୍କେଟର ମହିଳା ପରିବା ବିକାଳୀ ସୁକାନ୍ତୀ ପୋଢ ଗୁରୁତର ହୋଇଥିଲେ । ସ୍ଥାନୀୟ ଲୋକେ ଏକ ଅଟୋ ରିକ୍ସା ମାଧ୍ୟମରେ ପରିବା ବିକାଳୀ ସୁକାନ୍ତୀକୁ ଭୀମ ଭୋଇ ମେଡିକାଲ କଲେଜ ହସ୍ପିଟାଲକୁ ନେଇ ଭର୍ତ୍ତି କରିଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡିଛି ।