ଚୁଡାପାଲି, (ରାଜେଶ ଦଣ୍ଡସେନା) : ଗୁରୁବାର ଓ ଶୁକ୍ରବାର ଦୁଇଦିନ ଧରି ସରସ୍ୱତୀ ଶିଶୁ ବିଦ୍ୟାମନ୍ଦିର ଚୁଡାପାଲିର ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଛି । ଉଦ୍ଘାଟନୀ ଉତ୍ସବରେ ପରିଚାଳନା ସମିତିର ଉପସଭାପତି କ୍ଷେତ୍ରବାସୀ ଭୋଇ ଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ପରିଚାଳନା ସମିତିର ସମ୍ପାଦକ ସୂର୍ଯ୍ୟମଣି ମେହେର ଆନୁଷ୍ଠାନିକ ଭାବେ କାର୍ଯ୍ୟକ୍ରମର ଉଦ୍ଘାଟନ ଘୋଷଣା କରିଥିବା ବେଳେ ପରିଚାଳନା ସମିତିର ସହ ସମ୍ପାଦକ ରବିଚନ୍ଦ୍ର ଧରୁଆ ଉପସ୍ଥିତ ଥିଲେ । ପ୍ରଧାନ ଆଚାର୍ଯ୍ୟ ଶମ୍ଭୁପ୍ରସାଦ ମହାକୁର ପରିଚୟ ପ୍ରଦାନ କରିଥିବା ବେଳେ ସହ ଶାରୀରିକ ପ୍ରମୁଖ ପବିତ୍ର ବାରିକ ମଞ୍ଚ ପରିଚାଳନା କରିଥିଲେ । ଉଦ୍ଯାପନୀ ଉତ୍ସବରେ ଡଙ୍ଗାଘାଟ ଉଚ୍ଚ ବିଦ୍ୟାଳୟର ଖେଳ ଶିକ୍ଷକ ପ୍ରମୋଦ କୁମାର ସାହୁ ଉପସ୍ଥିତ ରହି ଶିଶୁମାନଙ୍କୁ ସୁସ୍ଥ ଶରୀର ପାଇଁ ଖେଳର ଆବଶ୍ୟକତା ଉପରେ ମାର୍ଗଦର୍ଶନ କରିଥିଲେ ଓ କୃତି ଖେଳାଳି ମାନଙ୍କୁ ପୁରସ୍କୃତ କରିଥିଲେ । ଅଣ୍ଡର ୧୪ ବର୍ଗରେ ଭାଇ ରିତେଶ ଉଦୁରକୁଲିଆ ଓ ଭଉଣୀ ନବ୍ୟାରାଣୀ ସାହୁ ସର୍ବଶ୍ରେଷ୍ଠ ଓ ଅଣ୍ଡର ୧୧ ବର୍ଗରେ ରମେଶ ସାହୁ ସର୍ବଶ୍ରେଷ୍ଠ ଖେଳାଳି ରୂପେ ପୁରସ୍କୃତ ହୋଇଥିଲେ । ଶାରୀରିକ ପ୍ରମୁଖ ନୀଳକଣ୍ଠ ସାହୁ ଓ ସମସ୍ତ ଗୁରୁଜୀ ଗୁରୁମା ମାନଙ୍କ ସହଯୋଗରେ କାର୍ଯ୍ୟକ୍ରମଟି ସମାପନ ହୋଇଥିଲା ।
