ପାଟଣାଗଡ଼, (ଅଶୋକ କୁମାର ବାଗ) : ଘରୋଇ କଳିର କରୁଣ ପରିଣତି । ଘରୋଇ କଳିକୁ ନେଇ ନିଜ ମା’ ଭଳି ଖୁଡିଙ୍କୁ ଟାଙ୍ଗିଆରେ ହାଣି ହତ୍ୟା କଲା ପୁତୁରା । ସୂଚନା ଅନୁଯାୟୀ, ପାଟଣାଗଡ଼ ଥାନା କୁତୁମୁଣ୍ଡା ଗ୍ରାମର ଦଖନ ଧରୁଆ ଓ ଉତ୍ତରା ଧରୁଆଙ୍କ ପୁଅ ଝିଅ ନଥିବାରୁ ତାଙ୍କ ପୁତୁରା ଚିତ୍ର ଧରୁଆଙ୍କୁ ପୌଷ୍ୟପୁତ୍ର କରି ରଖିଥିଲେ । ଦୀର୍ଘ ଦିନ ପୂର୍ବରୁ ଘରେ କୌଣସି କାରଣ ପାଇଁ କଳହ ହୋଇଥିବା ବେଳେ ତା’ର ସମାଧାନ ମଧ୍ୟ ହୋଇଥିଲା । କି଼ିନ୍ତୁ ମଙ୍ଗଳବାର ଅପରାହ୍ନ ୩ଟା ସମୟରେ ଉତ୍ତରା ଧରୁଆ ଓ ତାଙ୍କ ସ୍ୱାମୀ ଶୋଇଥିବା ବେଳେ ଏକ ଧାରୁଆ ଟାଙ୍ଗିଆରେ ଚିତ୍ର ଧରୁଆ ଅତର୍କିତ ଭାବରେ ଖୁଡି ଉତ୍ତରା ଧାରୁଆଙ୍କୁ ହାଣି ଦେଇଥିଲେ ଫଳରେ ଘଟଣାସ୍ଥଳରେ ଖୁଡ଼ି ଉତ୍ତରାଙ୍କ ମୃତ୍ୟୁ ହୋଇଥିଲା । ଅଭିଯୁକ୍ତ ଚିତ୍ର ଧରୁଆ ଘଟଣାସ୍ଥଳରୁ ଫେରାର ମାରିଥିବା ବେଳେ ପରେ ପାଟଣାଗଡ଼ ପୋଲିସ ନିକଟରେ ଆତ୍ମସମର୍ପଣ କରିଥିଲେ । ଘଟଣାସ୍ଥଳରେ ପାଟଣାଗଡ଼ ପୋଲିସ ଓ ସାଇଣ୍ଟିଫିକ ଟିମ୍ ପହଞ୍ଚି ଶବକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇ ଦେଇଥିବା ବେଳେ ଏନେଇ ପାଟଣାଗଡ଼ ଥାନାରେ ଏକ ହତ୍ୟା ମାମଲା ରୁଜୁ ହୋଇଛି । ଘଟଣାର ଅଧିକ ତଦନ୍ତ ଚାଲିଥିବା ପାଟଣାଗଡ଼ ଏସ୍ଡିପିଓ ସଦାନନ୍ଦ ପୁଝାରୀ ସୂଚନା ଦେଇଛନ୍ତି ।