ବାଲେଶ୍ୱର : ଅଜଣା ଜନ୍ତୁର ଭୟରେ ବଲବଲିଆ ଗାଁ । ବାଲେଶ୍ୱର ନୀଳଗିରି ବନ ବିଭାଗ ଅଧିନସ୍ଥ ସ୍ୱର୍ଣ୍ଣଚୁଡ଼ା ପର୍ବତ ପାଦଦେଶରେ ଅବସ୍ଥିତ ଗାଁ ମାନଙ୍କରେ ଏବେ ଘାରିଛି ଅଜଣା ଜନ୍ତୁର ଭୟ । କିଛିଦିନ ହେବ ବଡ଼ବିଲ ଓ ବଲବଲିଆ ଗ୍ରାମରେ ଗୃହପାଳିତ ପଶୁମାନଙ୍କୁ ଟାର୍ଗେଟ କରୁଛି ଅଜଣା ଜନ୍ତୁ । ଅଞ୍ଚଳରେ ଛେଳି କୁକୁଡ଼ା ଗୋରୁମାନଙ୍କୁ ଟାର୍ଗେଟ କରି ମରଣାତ୍ମକ ଆକ୍ରମଣ କରୁଥିବାର ଅଭିଯୋଗ ହୋଇଛି ।
ଗତ ରାତିରେ ବଲବଲିଆ ଗ୍ରାମରେ ବାଛୁରୀ ଛୁଆକୁ ମରଣାତ୍ମକ ଆକ୍ରମଣ କରିଥିବା ବେଳେ କୁକୁଡ଼ା ପଲାରେ ପଶି ବି ମାରିଥିବା ଅଭିଯୋଗ ହୋଇଛି । ଖବର ପାଇ ଘଟଣା ସ୍ଥଳରେ ନୀଳଗିରି ରେଞ୍ଜର ମନୱାର ଖାନ ପହଞ୍ଚି ତଦନ୍ତ କରୁଛନ୍ତି ।