ନୂଆଦିଲ୍ଲୀ : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନାମରେ ଏକ ନକଲି ଇମେଲ ଆଇଡି ଖୋଲି ତାଙ୍କ ଦସ୍ତଖତ ଜାଲିଆତି କରି ବିଜ୍ଞାପନ ମାଗିବା ଅଭିଯୋଗରେ ସ୍ୱତନ୍ତ୍ର ସେଲର ଆଇଏଫ୍ଏସ୍ଓ ୟୁନିଟ୍ ଦ୍ୱାରା ସାମ୍ବାଦିକ ମନୋଜ କୁମାର ସେଠଙ୍କୁ ଗିରଫ କରାଯାଇଛି । ଦିଲ୍ଲୀ ପୋଲିସର ସୂଚନାନୁସାରେ ଅଭିଯୁକ୍ତଙ୍କୁ ଭୁବନେଶ୍ୱରରୁ ଗିରଫ କରାଯାଇଛି । କୁହାଯାଉଛି ଯେ, ଅଭିଯୁକ୍ତ ସ୍ଥାନୀୟ ଖବରକାଗଜ ପାଇଁ ପିଏସ୍ୟୁରୁ ବିଜ୍ଞାପନ ମାଗିବା ପାଇଁ ଇମେଲ ପଠାଇଥିଲେ । ଅଭିଯୁକ୍ତ ସିଏମ ଯୋଗୀଙ୍କ ଲେଟରପେଡ଼ରେ ନକଲି ସାଇନ୍ କରି ଅନ୍ୟ କମ୍ପାନୀଗୁଡ଼ିକୁ ମଧ୍ୟ ବିଜ୍ଞାପନ ପାଇଁ ଇମେଲ ପଠାଇଥିଲେ । ମନୋଜ କୁମାର ସେଠ ନାମକ ଜଣେ ବ୍ୟକ୍ତି ଯିଏ ସିଏମ ଯୋଗୀଙ୍କ ନାମରେ ନକଲି ଇମେଲ ଆଇଡି ତିଆରି କରିଥିଲେ ଏବଂ କମ୍ପାନୀଗୁଡିକରୁ ବିଜ୍ଞାପନ ମାଗିଥିଲେ, ସେ ଜଣେ ଫ୍ରିଲାନ୍ସ ସାମ୍ବାଦିକ ବୋଲି କୁହାଯାଉଛି ।