ଲୋଇସିଂହା, (କେପିଏନ୍ଏସ୍) : ଲୋଇସିଂହା ସାହୁପଡା ସ୍ଥିତ ଆଦର୍ଶ ଶିକ୍ଷକ ସ୍ଵର୍ଗତ କୃଷ୍ଣ ପ୍ରସାଦ ସାହୁ ଓ ଧର୍ମପତ୍ନୀ ରାମପ୍ୟାରୀ ସାହୁଙ୍କ ଗଙ୍ଗାଶ୍ରାଦ୍ଧ ଆଜି ସମ୍ପନ୍ନ ହୋଇଯାଇଛି । ଗତବର୍ଷ ମହାମାରୀ କରୋନା ସମୟରେ ପ୍ରାୟ ଏକ ମାସ ବ୍ୟବଧାନରେ ଆଦର୍ଶ ଶିକ୍ଷକ କୃଷ୍ଣ ପ୍ରସାଦ ଓ ରାମପ୍ୟାରୀ ସ୍ଵର୍ଗାରୋହଣ କରିଥିଲେ । ତେବେ ଦୀର୍ଘ ଏକ ବର୍ଷ ପରେ ଉଭୟଙ୍କ ଅସ୍ଥି ଆହ୍ଲାବାଦ ସ୍ଥିତ ପବିତ୍ର ଗଙ୍ଗାନଦୀରେ ବିସର୍ଜନ କରି ଆଜି ଗଙ୍ଗାଶ୍ରାଦ୍ଧ ହୋଇଯାଇଛି । ଏହି ଅବସରରେ ଆଜି ସ୍ଥାନୀୟ କଲ୍ୟାଣ ମଣ୍ଡପରେ ବହୁ ଲୋକଙ୍କ ସମାଗମ ହୋଇଥିଲା । ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରା, ବିଧାୟକ ଡ. ମୁକେଶ ମହାଲିଙ୍ଗ, ବିଜେଡି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା, ବ୍ଲକ ଅଧ୍ୟକ୍ଷ ଯତୀନ୍ଦ୍ର କୁମାର ପଟେଲ, ଜିଲ୍ଲା ପରିଷଦ ସଭ୍ୟା ଲିଳୀମା ବେହେରା ଓ ସଂଯୁକ୍ତା ବରିହା, ବ୍ଲକ ବିଜେଡି ସଭାପତି ହୃଦୟା ନନ୍ଦ ବେହେରା ସମେତ ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇ ଶ୍ରଦ୍ଧାଞ୍ଜଳି ଜଣାଇଥିଲେ । ଅନ୍ୟମାନଙ୍କ ମଧ୍ୟରେ ସରପଞ୍ଚ, ସମିତି ସଭ୍ୟ ସମେତ ଜନସାଧାରଣ ଯୋଗ ଦେଇଥିଲେ । ସୂଚନା ଥାଉକି, ସ୍ଵର୍ଗତ କୃଷ୍ଣ ପ୍ରସାଦ ଓ ରାମପ୍ୟାରୀ ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରାଙ୍କ ଲୋଇସିଂହା ବ୍ଲକ ପ୍ରତିନିଧି ପ୍ରଦୀପ ସାହୁଙ୍କ ପିତା ମାତା ଅଟନ୍ତି ।