ରାୟଗଡ଼ା, (ଅକ୍ଷୟ କୁମାର ପିଡ଼ିସିକା) : ଦେଢ଼ବର୍ଷର ଶିଶୁ ନିଖୋଜ ଘଟଣା । ୧୧ ଦିନ ପରେ ଠାବ ହେଲା ଶିଶୁର ଗଳିତ ଶବ । ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସଦର ପଞ୍ଚାୟତ ୧୫ ନମ୍ବର ୱାର୍ଡ ଘାଗୁଡିମାଳ ଗ୍ରାମର ଅଜିତ ନାଗବଂଶଙ୍କ ନିଖୋଜ ପୁଅର ୧୧ ଦିନ ପରେ ଗଳିତ ଶବକୁ ଠାବ କଲା ପୋଲିସ । ସୂଚନା ଯୋଗ୍ୟ ଯେ, ଆଜି ସକାଳେ ଅଜିତ ଓ ଗ୍ରାମର କିଛି ଲୋକ ମଶାଣି ନାଳକୁ ଶୌଚ ପାଇଁ ଯାଇଥିଲେ । ସେଠାରେ ପଚା ଦୁର୍ଗନ୍ଧ ହେବାରୁ ଖୋଜାଖୋଜି କରିଥିଲେ ଏବଂ ଲଟାମୂଳରେ ଶିଶୁର ମୃତ ଗଳିତ ଶବ ଦେଖିଥିଲେ । ପୁଅ ପିନ୍ଧିଥିବା ସାର୍ଟକୁ ଦେଖି ବାପା ଅଜିତ ଚିହ୍ନି ପୋଲିସକୁ ଯୋଗାଯୋଗ କରିଥିଲେ । ଖବର ପାଇ ଥାନା ଅଧିକାରୀ ନୀଳକଣ୍ଠ ବେହେରା, ଏସ୍ଆଇ ପୁରୁଷୋତ୍ତମ ଜାନି ଘଟଣାସ୍ଥଳରେ ପହଞ୍ଚି ଉପରିସ୍ଥ ଅଧିକାରୀଙ୍କୁ ଘଟଣା ସମ୍ପର୍କରେ ସୂଚନା ଦେଇଥିଲେ । ସୂଚନା ପାଇ ଏସ୍ଡିପିଓ ଗୌରହରି ସାହୁ ଓ ତଦନ୍ତକାରୀଦଳ ଘଟଣାସ୍ଥଳରେ ପହଞ୍ଚି ଶିଶୁର ମୃତ ଶରୀରକୁ କୋରାପୁଟ ସ୍ୱାସ୍ଥ୍ୟ କେନ୍ଦ୍ରକୁ ପରୀକ୍ଷା ନିମନ୍ତେ ପଠାଇଛନ୍ତି । ତେବେ ଏଠାରେ ପ୍ରଶ୍ନ ଉଠୁଛି ଯେ, ଶିଶୁଟି ଏତେ ଦୂର କେମିତି ଆସିଲ ? ସେଠାରେ ଶିଶୁର ମୃତ୍ୟୁ କିପରି ହେଲା । ଅନ୍ୟପଟେ କାହାରିକୁ ସନ୍ଦେହ କରୁନାହୁଁ ବୋଲି ଶିଶୁର ପରିବାର ଲୋକେ କହିଛନ୍ତି । ପ୍ରକାଶ ଥାଉକି ୧୧ ତାରିଖ ମଙ୍ଗଳବାର ସନ୍ଧ୍ୟାରେ ଦେଢ଼ବର୍ଷର ଶିଶୁ ନିଖୋଜ ହୋଇଥିବା ବେଳେ ବୁଧବାର ସକାଳୁ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ ହୋଇଥିଲା । ଅଭିଯୋଗର ଆଧାରରେ ସ୍ଥାନୀୟ ପୋଲିସ ସହ ସନ୍ଧାନୀ କୁକୁର ଘାଗୁଡିମାଳ ଯାଇ ତଦନ୍ତ କରିଥିଲା । ହେଲେ ଶିଶୁର କୌଣସି ସନ୍ଧାନ ପାଇନଥିଲେ । ତେବେ ପୋଷ୍ଟ ମର୍ଟମ ରିପୋର୍ଟ ଆସିଲେ ଘଟଣାର ସତ୍ୟାସତ୍ୟ ସମ୍ନାକୂ ଆସିବ ବୋଲି ଆଇଆଇସି ସୂଚନା ଦେଇଛନ୍ତି ।