ପୁଇଁନ୍ତଲା, (ଶମ୍ଭୁନାଥ ସାହୁ) : ପୁଇଁନ୍ତଲା ବ୍ଲକ ଅଧୀନସ୍ଥ ମେହେରମୁଣ୍ଡା ୟୁପି ସ୍କୁଲର ଶିକ୍ଷକ ପ୍ରଦୀପ କୁମାର ଦାଶ(୪୮)ଙ୍କ ଦେହାନ୍ତ ହୋଇଯାଇଥିବା ସୂଚନା ମିଳିଛି । ସ୍ୱାସ୍ଥ୍ୟଗତ କାରଣରୁ ଚିକିତ୍ସାଧୀନ ଅବସ୍ଥାରେ ତାଙ୍କ ପରଲୋକ ହୋଇଥିବା ବେଳେ ବଲାଙ୍ଗିର ଜିଲ୍ଲାର ଶିକ୍ଷକ ଜଗତରେ ଶୋକର ଛାୟା ଖେଳି ଯାଇଛି । ସ୍ୱର୍ଗତ ଶିକ୍ଷକ ଶ୍ରୀ ଦାଶ ଜଣେ ମେଳାପୀ, ବନ୍ଧୁବତ୍ସଳ ତଥା ଛାତ୍ରବତ୍ସଳ ଶିକ୍ଷକ ଭାବରେ ପରିଚିତ ଥିଲେ । ସେ ତାଙ୍କ ଧର୍ମପତ୍ନୀଙ୍କ ସହ ୨ ଝିଅ ଏବଂ ୧ ପୁଅଙ୍କୁ ଛାଡି ଚାଲିଯାଇଛନ୍ତି । ବଲାଙ୍ଗିର ଜିଲ୍ଲାର ଶିକ୍ଷକମାନେ ତାଙ୍କ ଅମର ଆତ୍ମାର ସତ୍ଗତି କାମନା କରିଛନ୍ତି ।