ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ପୁଇଁତଲା ଥାନା ଅନ୍ତର୍ଗତ ବଏଁରାସର ଗ୍ରାମରୁ ଜଣେ ଯୁବକଙ୍କୁ ଗିରଫ୍ କରି ଆଜି କୋର୍ଟ ଚାଲାଣ କରିଛି ପୁଇଁତଲା ପୋଲିସ । ସୂଚନା ଅନୁସାରେ ଗତ ୨୦୧୮ ମସିହାରେ ବଏଁରାସର ନିବାସୀ ଶ୍ୟାମ କୁମ୍ଭାରଙ୍କ ପୁଅ ସୁଶାନ୍ତ କୁମ୍ଭାର(୨୨) ପୁରୀରୁ ଜଣେ ନାବାଳିକାଙ୍କୁ ଅପହରଣ କରିଥିବା ଅଭିଯୋଗ ହୋଇଥିଲା । ତେବେ ସେହି ମାମଲାରେ ଆଜି ପୁଇଁତଲା ପୋଲିସ ସଂପୃକ୍ତ ଯୁବକଙ୍କୁ ଗିରଫ୍ କରି କୋର୍ଟ ଚାଲାଣ କରିଥିବା ଜଣାପଡ଼ିଛି । ଏଠାରେ ସୂଚନାଯୋଗ୍ୟ ଯେ, ଯେଉଁ ନାବାଳିକାଙ୍କୁ ସଂପୃକ୍ତ ଯୁବକ ଅପହରଣ କରିଥିଲେ ସେ ଏବେ ପ୍ରାପ୍ତ ବୟସ୍କା ହୋଇ ସାରିଥିବା ବେଳେ ଏବେ ସଂପୃକ୍ତ ଯୁବକ ଓ ସେହି ଯୁବତୀ ସ୍ୱାମୀ ସ୍ତ୍ରୀ ଭାବେ ରହୁଥିଲେ ।