ବ୍ରହ୍ମପୁରା ସ୍କୁଲ ସମ୍ମୁଖରୁ ୨ଟି ଷ୍ଟ୍ରିଟ ଲାଇଟ ଚୋରି ନେଇ ଥାନାରେ ଏତଲା ଦେଲେ ଯୁବ ପତ୍ରକାର ସଂଘର ସମ୍ପାଦକ ବିମଳ କୁମାର ବାଗ

ପାଟଣାଗଡ଼, (ଗୋରେଖନାଥ ବରିହା) : ଭିନ୍ନ ଏକ ଚୋରି ମାମଲା ଦାୟର ହୋଇଛି ଆଜି ପାଟଣାଗଡ ଥାନାରେ । ମାମଲା ହେଉଛି ୨ଟି ଷ୍ଟ୍ରିଟ ଲାଇଟ ଚୋରି । ଏହି ମାମଲା ଦୟାର କରିଛନ୍ତି ପାଟଣାଗଡର ଯୁବ ପତ୍ରକାର ସଂଘର ସମ୍ପାଦକ ବିମଳ କୁମାର ବାଗ । ଅଭିଯୋଗ ଅନୁଯାୟୀ ଗତକାଲି ରାତିରେ ଘଡ଼ଘଡ଼ି, ପବନ ସହ ବର୍ଷା ହେବା ଫଳରେ ପାଟଣାଗଡ ବ୍ରାହ୍ମପୁରା ସରକାରୀ ସ୍କୁଲ ସମୁଖରେ ଥିବା ତେନ୍ତୁଳି ଗଛ ଭାଙ୍ଗି ଯାଇଥିଲା ଫଳରେ ଇଲେକ୍ଟ୍ରି ଖୁମ୍ବ ଭାଙ୍ଗି ପଡ଼ିଥିଲା । ଏହି ଖୁମ୍ବରେ ଥିବା ୨ଟି ଷ୍ଟ୍ରିଟ ଲାଇଟ କେହି ଚୋରି କରି ନେଇ ଯାଇଥିବା ଜଣାପଡ଼ିଥିଲା । ସରକାରଙ୍କ ସମ୍ପତି ହୋଇଥବାରୁ ଏହାକୁ ନେଇ ବିମଳ କୁମାର ବାଗ ଏକ ଲିଖିତ ଚୋରି ଅଭିଯୋଗରେ ଥାନା ଅଧିକାରୀ ଅନନ୍ତ ପ୍ରଧାନଙ୍କୁ ଏତଲା ପତ୍ର ପ୍ରଦାନ କରିଛନ୍ତି । ଏହାର ଶୀଘ୍ର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସାମ୍ବାଦିକ ଶ୍ରୀ ବାଗ ଅନୁରୋଧ କରିଛନ୍ତି ।