୩ଟି ପଂଚାୟତରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ବଣ୍ଟନରେ ଯୋଗଦେଲେ ସାଂସଦ ଓ ନବ ନିର୍ବାଚିତ ବିଧାୟକ

ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପିପିଲି ଡେଲାଙ୍ଗ ନିର୍ବାଚନ ମଣ୍ଡଳୀର ନବ ନିର୍ବାଚିତ ବିଧାୟକ ରୁଦ୍ରପ୍ରତାପ ମହାରଥି ଶନିବାର ଦିନ ଡେଲାଙ୍ଗ ବ୍ଲକର ୩ଟି ପଂଚାୟତ ହରିରାଜପୁର, ରେଙ୍ଗଳ ଓ ଗୋଡିପୁଟମାଟିଆପଡା ଠାରେ ପହଂଚି ହିତାଧିକାରୀ ମାନଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମରେ ପୁରୀ ଲୋକସଭା ସାଂସଦ ପିନାକୀ ମିଶ୍ର ହରିରାଜପୁର ପଂଚାୟତରେ ଯୋଗଦେଇ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସ୍ମାର୍ଟ କାର୍ଡର ବ୍ୟବହାର ସମ୍ପର୍କରେ ଆଲୋକପାତ କରି ହିତାଧିକାରୀ ମାନଙ୍କୁ ସ୍ମାର୍ଟ କାର୍ଡ ପ୍ରଦାନ କରିଛନ୍ତି । ନବନିର୍ବାଚିତ ଯୁବ ବିଧାୟକ ଶ୍ରୀ ମହାରଥିଙ୍କୁ ଏହି ୩ଟି ପଂଚାୟତ ତରଫରୁ ଫୁଲ ତୋଡା, ଉତ୍ତରୀୟ ଦେଇ ସ୍ୱାଗତ କରାଯାଇଥିଲା । ଏହି କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷ ପ୍ରସନ୍ନ ସାହୁ, ବିଡିଓ ଦିଲିପ କୁମାର ଷଡଙ୍ଗୀ, ଜିଲ୍ଲାପରିଷଦର ମଳୟ ମହାନ୍ତି, ମିଶନ ଶକ୍ତି ମହିଳା ମହାସଂଘର ସମ୍ପାଦିକା ବାସନ୍ତି ସାହୁ, ପୂର୍ବତନ ସରପଂଚ ପ୍ରସନ୍ନ ମହାରଥିଙ୍କ ସହ ସରପଂଚ ଓ ସମିତିସଭ୍ୟ ମାନେ ଉପସ୍ଥିତ ଥିଲେ ।