ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ସହରର ଜଗନ୍ନାଥ ମନ୍ଦିର ପ୍ରାଙ୍ଗଣ ପରିସରଠାରେ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଶ୍ରୀ ଶ୍ରୀ ଜଗନ୍ନାଥ ସାଂସ୍କୃତିକ ପରିଷଦ ଆନୁକୂଲ୍ୟରେ କାର୍ତ୍ତିକ ପୂର୍ଣ୍ଣିମା ଉପଲକ୍ଷେ ଶ୍ରୀମତ ଭାଗବତ ପାରାୟଣ ସପ୍ତାହ ଆୟୋଜିତ ହୋଇଯାଇଛି । ସେଠାରେ ପଣ୍ଡିତ ରାଧାକାନ୍ତ ତ୍ରିପାଠୀଙ୍କ ତତ୍ତ୍ୱବଧାନରେ ପଣ୍ଡିତ ନବଘନ ଷଡ଼ଙ୍ଗୀ, ଧ୍ରୁବଚରଣ ଯୋଶୀ ଓ ପ୍ରମୋଦ ଦାଶ ଉପସ୍ଥିତ ରହି ସହଯୋଗ କରିଥିଲେ । ଏହି ପରାୟଣରେ କର୍ତ୍ତା ଭାବରେ କୀର୍ତ୍ତିଚନ୍ଦ୍ର ସାମନ୍ତରାୟ ଏବଂ ତାଙ୍କ ଧର୍ମପତ୍ନୀ ବିଜୟଲକ୍ଷ୍ମୀ ସାମନ୍ତରାୟ ପୂଜା ଦାୟିତ୍ୱ ତୁଲାଉଛନ୍ତି । ଏହି ପରିପେକ୍ଷୀରେ ଶ୍ରୀକୃଷ୍ଣଙ୍କ ଜନ୍ମ ଗ୍ରହଣ ହୋଇଥିବା ବେଳେ କ୍ଷୀର ତିଆରି କରି ଖୁଆଇଥିଲେ । ଉକ୍ତ ପାରାୟଣରେ ଗାୟକ ଭାବେ ଡକ୍ଟର ମିଳନ କୁମାର ମିଶ୍ର ଉପସ୍ଥିତ ରହି ପାରାୟଣ ପଠନ କରି ଭକ୍ତମାନେ ବେଶ ଉତ୍ସାହ ପରିଲିକ୍ଷିତ ହେଉଛନ୍ତି । ଏହି ପରାୟଣ ପାଇଁ ଆଖପାଖ ଅଞ୍ଚକରୁ ଶହ ଶହ ଭକ୍ତଙ୍କ ପ୍ରବଳ ଜନ ସମାଗମ ଦେଖିବାକୁ ମିଳିଛି । କାର୍ଯ୍ୟକ୍ରମରେ ସମ୍ପଦ ମହାଜୁଦ, ବେଣୁଧର ସାହୁ, ପବନ ଅଗ୍ରୱାଲ, ବିନୟ ଭୋଇ, ବିଶ୍ୱଜିତ ମିଶ୍ର, ନାରାୟଣ ଜାଲ, ସିଦ୍ଧାନ୍ତ ପ୍ରଧାନ, ନରେଶ ସାହୁ, ଚୈତନ୍ୟ ପଟ୍ଟନାୟକଙ୍କ ସମେତ ବହୁ ଶ୍ରଦ୍ଧାଳୁ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରୁଛନ୍ତି । ଆସନ୍ତା ୧୫ ତାରିଖ ଦିନ ପୂର୍ଣ୍ଣହୂତି ହେବ ବୋଲି ଆୟୋଜକ କମିଟି ସୂତ୍ରରୁ ପ୍ରକାଶ ।