ପାଟଣାଗଡ଼, (ପୁସ୍ତମ ଯୁଆଡି) : ବଲାଙ୍ଗିର ଜିଲ୍ଲା ପାଟଣାଗଡ ବ୍ଲକ ଅନ୍ତର୍ଗତ କୁତମୁଣ୍ଡା ଗ୍ରାମର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଏବଂ ପଞ୍ଚାୟତ ଉଚ୍ଚ ବିଦ୍ୟାଳୟର ବାର୍ଷିକ କ୍ରୀଡା ପ୍ରତିଯୋଗିତା ହାଇସ୍କୁଲ ଖେଳପଡିଆ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ବରପଦର ପଞ୍ଚାୟତର ସମିତି ସଭ୍ୟା ରଜନୀ ଧରୁଆ ମୁଖ୍ୟ ଅତିଥି, ସମ୍ମାନିତ ଅତିଥି ଭାବରେ ଇଓ/ଭିଏଲଡ୍ଳୁ, ହାଇସ୍କୁଲର ପ୍ରଧାନ ଶିକ୍ଷକ କୁଳମଣି ମେହେର, ୟୁପି ସ୍କୁଲର ପ୍ରଧାନ ଶିକ୍ଷକ ରଘୁମଣି ମେହେର ଏବଂ ସଭାପତି ଧୋବାଇ ଚରମ ମଲ୍ଲିକ, ଚିତ୍ରସେନ ମେହେର ଯୋଗଦେଇଥିଲେ । ପଞ୍ଚାୟତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପତାକା ଦେଖାଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ପ୍ରଥମ ଶ୍ରେଣୀରୁ ଆରମ୍ଭ କରି ଦଶମ ଶ୍ରେଣୀର ଛାତ୍ରଛାତ୍ରୀ ମାନେ ବିଭିନ୍ନ ଖେଳରେ ଭାଗ ନେଇଥିଲେ । କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା । ଖେଳ ପରିଚାଳନା କରିଥିଲେ ଦୁଇଜଣ ଖେଳଶିକ୍ଷକ କୈଳାସ ମେହେର ଏବଂ ପ୍ରମୋଦ କୁମାର ସାହୁ । ଏହି ଅବସରରେ ଶିକ୍ଷକ ଶିକ୍ଷୟତ୍ରୀ ବିଷ୍ଣୁ ପ୍ରସାଦ ମେହେର, ଭଗବାନ ମେହେର, ପ୍ରେମରାଜ ସେଟ, ଜୟଲାଲ ପ୍ରଧାନ, ଘନଶ୍ୟାମ ମେହେର, ଜାଗ୍ୟସୀନୀ ପାଣିଗ୍ରାହୀ, ଦେବକାନ୍ତ ମେହେର, ଯୁବରାଜ ବନଗୁଲା, ମଧୁସ୍ମିତା ବେହେରା, ପିଙ୍କି ମେହେର, କୁମୋଦିନୀ ଧରୁଆ, ମନୋରମା ଦାସ ଏବଂ ସ୍ୱେଚ୍ଛାସେବୀ ଯୁବସଂଘ ଓ ଗ୍ରାମର ଜନସାଧାରଣ ମାନେ ସହଯୋଗ କରିଥିଲେ ।