ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ରାସ୍ତା ଦେଇ ଜଣେ ବାବା ବେଲଗାଁ ଆଡ଼କୁ ଯାଉଥିବା ସମୟରେ ଏକ ଅଜଣା ଗାଡି ଧକ୍କା ଗୁରୁତର ହୋଇଥିବା ଜଣାପଡ଼ିଛି । ଗୁରୁତର ବାବାଙ୍କ ନାମ ରାମବରଣ ସିଂ (୭୦) ଘର ବିହାର ଅଞ୍ଚଳର ବୋଲି ସୂଚନା ମିଳିଛି । ଦୁର୍ଘଟଣାର ଖବର ପାଇଁ ସ୍ଥାନୀୟ ବେଲଗାଁ ବଜରଙ୍ଗ ଦଳ ପହଞ୍ଚି ବାବାଙ୍କୁ ଘଟଣାସ୍ଥଳରୁ ଉଦ୍ଧାର କରି ସଇଁତଲା ଡାକ୍ତରଖାନାରେ ଭର୍ତ୍ତି କରି ପ୍ରାଥମିକ ଚିକିତ୍ସା କରିଥିବା ଖବର ମିଳିଛି । ପ୍ରକାଶ ଯେ, ଗତ ୩ ମାସ ହେଲା ବାବା ରାମବରଣ ସିଂ ଗଙ୍ଗୋତ୍ରୀ ଠାରୁ ପାଣି ଧରି ବାହାରି ରାମେଶ୍ୱର ଅଭିମୁଖେ ପଦଯାତ୍ରାରେ ଯାଉଥିବା ବେଳେ ଗତ ସନ୍ଧ୍ୟା ସମୟରେ ବେଲଗାଁ ନିକଟରେ ତାଙ୍କର ସଡ଼କ ଦୁର୍ଘଟଣା ହୋଇଥିଲା । ଏଥିରେ ବାବା ଛିଟିକି ପଡ଼ିଥିବା ଦେଖି ବେଲଗାଁ ବଜରଙ୍ଗ ଦଳ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ବର୍ତ୍ତମାନ ବାବା ସୁସ୍ଥ ଥିବା ଜଣାପଡିଛି । ଏହି ମହତ କାର୍ଯ୍ୟ ପାଇଁ ଲୋକେ ବଜରଙ୍ଗ ଦଳକୁ ପ୍ରଶଂସା କରୁଛନ୍ତି । ଏହି ଉଦ୍ଧାର ସମୟରେ ବ୍ଲକ ସଂଯୋଜକ ଯୁବରାଜ ନାଏକ, ସହ ସଂଯୋଜକ ରାକେଶ ସାହୁ, ସୁମନ ପଟେଲ, ବୁଲୁ ପଟେଲ, ଜିତେନ୍ଦ୍ର ପ୍ରଧାନ ପ୍ରମୁଖ ସାମିଲ ହୋଇଥିଲେ ।