ପାଟଣାଗଡ଼, (ଗୋରେଖନାଥ ବରିହା) : ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ୧୬ ନମ୍ବର ଜିଲ୍ଲା ପରିଷଦ ଜୋନ୍ର ବିଜେଡି କର୍ମୀଙ୍କୁ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା ଏଥିରେ ଜୋନ୍ର ୧୦ଟି ପଞ୍ଚାୟତର ପ୍ରାୟ ୧୫୦ ଜଣରୁ ଉର୍ଦ୍ଧ୍ବ ବିଜେଡି କର୍ମୀ ଉପସ୍ଥିତ ଥିଲେ । ଏଥିରେ ସର୍ବ ସମ୍ମତି କ୍ରମେ ଏକ ନୂଆଁଖାଇ ଭେଟଘାଟ କରିବା ପାଇଁ ପ୍ରସ୍ତାବ ପାଳିତ ହୋଇଯାଇଛି । ବଲାଙ୍ଗିର ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓଙ୍କୁ ଏହି ଭେଟ୍ଘାଟ୍ରେ ମୁଖ୍ୟ ଅତିଥି ରୁପେ ନିମନ୍ତ୍ରଣ କରିବାର ଲାଗି ସମସ୍ତେ ପ୍ରସ୍ତାବ ଦେଲେ । ଏହିପରି ଭାବେ କଳିକେଶ ନାରାୟଣ ସିଂଦେଓଙ୍କ ସଂଗଠନକୁ ସୁଦୃଢ କରିବା ସାଙ୍ଗେ ପାଟଣାଗଡ଼ ନିର୍ବାଚନ ମଣ୍ଡଳୀର ସମସ୍ତ ଜୋନ୍ରେ ନୂଆଁଖାଇ ଭେଟଘାଟ କରିବାର ଲାଗି ଘୋଷଣା କରାଯାଇଥିଲା । ଏହି ପ୍ରସ୍ତୁତି ସଭାରେ ପ୍ରଦୀପ ମେହେର, ପ୍ରଶାନ୍ତ ମେହେର, ରିଙ୍କୁ ପୁରୋହିତ, ପ୍ରଦୀପ ପୁରୋହିତ, ସଲିମ ମହମ୍ମଦ, ଗୋପବନ୍ଧୁ ମେହେର, ଅମୂଲ୍ୟ ମେହେରଙ୍କ ସମେତ ଅନ୍ୟକର୍ମୀ ମାନେ ଉପସ୍ଥିତ ଥିଲେ ।