ବାରିପଦା : ଅପେରା ମିସ୍ ଇଣ୍ଡିଆ ଗ୍ରାଣ୍ଡ ଫାଇନାଲରେ ଓଡିଶାର ଝିଅ ଅର୍ପିତା ଦାଶ ପ୍ରଥମ ରନର୍ସ ଅପ୍ ଭାବେ ପୁରସ୍କୃତ ହୋଇଛନ୍ତି । ଅର୍ପିତା ହେଉଛନ୍ତି ମୟୁରଭଂଜ ଜିଲ୍ଳାର ସଦର ମହକୁମା ବାରିପଦାର ପାଲବାଣୀ ଅନ୍ତର୍ଗତ ୱାର୍ଡ ନଂ.୧୩ ନିବାସୀ ଅସୀତ କୁମାର ଦାଶଙ୍କ ଏକ ମାତ୍ର ଝିଅ । ଅର୍ପିତା ରାଗଧା ସ୍ଥିତ ଶ୍ରୀରମଚନ୍ଦ୍ର ଡିଗ୍ରୀ କଲେଜରେ ଯୁକ୍ତ ୩ କଳାର ପ୍ରଥମ ବର୍ଷରେ ପାଠ ପଢନ୍ତି । ଜାତୀୟ ସ୍ତରରେ ଜିଲ୍ଳାର ନାମ ରଖିଥିବାରୁ ବିଭିନ୍ନ ମହଲରୁ ଶୁଭେଚ୍ଛା ଜ୍ଞାପନ କରାଯାଇଛି । ପ୍ରଥମେ ଆର୍ନ୍ତଜାତିକ ସ୍ତରରେ ହୋଇଥିବା ଏହି ପ୍ରତିଯୋଗିତାରେ ସେମିଫାଇନାଲରେ ଟପ୍ ୩୦ଜଣ ପ୍ରତିଯୋଗୀଙ୍କ ମଧ୍ୟରେ ଅର୍ପିତା ମଧ୍ୟ ରହିଥିଲେ । ତେବେ ଏହି ଅନ୍ଲାଇନ୍ ଅପେରା ମିସ୍ ଇଣ୍ଡିଆ ଗ୍ରାଣ୍ଡ ଫାଇନାଲ ପ୍ରତିଯୋଗିତାରେ ଅର୍ପିତା ପ୍ରଥମ ରନର୍ସ ଅପ୍ ଭାବେ ମୁକୁଟ ପିନ୍ଧି ସାରା ଭାରତରେ ରାଜ୍ୟର ନାଁ ରଖିଛନ୍ତି ।
