ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୪ସ୍ଥିତ ରାଉରକେଲା କଲେଜ, ରାଉରକେଲା ବିଭାଗୀୟ ଅଧ୍ୟାପକ ସମୁହଙ୍କ ବାର୍ଷିକୋତ୍ସବ ଓ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । କଲେଜର ଅଧ୍ୟକ୍ଷା ପ୍ରଫେସର ସୁଜାତା ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ରାଉରକେଲା ବାର୍ ଆସୋସିଏସନ୍ର ବରିଷ୍ଠ ଆଇନଜୀବୀ ଅରିନ୍ଦମ ଦତ୍ତ ମୁଖ୍ୟ ଅତିଥି, ଅନୁଷ୍ଠାନର ଉପସଭାପତି ତଥା ବରିଷ୍ଠ ଅଧ୍ୟାପିକା ଡଃ ଅଞ୍ଜନା ମୈତ୍ର ସିହ୍ନା ସମ୍ମାନିତ ଅତିଥି ଓ ଅଧ୍ୟାପକ ରଶ୍ମିରଂଜନ ରାଉତ ଅନ୍ୟତମ ଅତିଥି ଭାବେ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ । ଏହି ଅବସରରେ ମୁଖ୍ୟଅତିଥି ଶ୍ରୀ ଦତ୍ତ ଆଲୋଚନାଚକ୍ର “ସାଧାରଣ ନ୍ୟାୟିକ ପ୍ରସଙ୍ଗରେ ପ୍ରଶିକ୍ଷକ ବିକାଶ କାର୍ଯ୍ୟକ୍ରମ-୨୦୨୨” ସଂପର୍କୀତ ଭାରତୀୟ ସମ୍ବିଧାନ, ଆଇନ, ଇଛାପତ୍ର, ଉତ୍ତରାଧିକାରୀ ଅଧିକାର ଓ ଦାୟିତ୍ୱ ତଥା ବିଭିନ୍ନ ଆଇନ ସଂପର୍କରେ ତର୍ଜମା ଓ ଆଲୋଚନା କରିଥିଲେ । ଏହା ସହ ପ୍ରଶ୍ନୋତ୍ତର କାର୍ଯ୍ୟକ୍ରମ କରାଯାଇ ବିଭିନ୍ନ ପ୍ରଶ୍ନର ଉତ୍ତର ରଖିଥିଲେ । ପ୍ରାରମ୍ଭରେ ଅଧ୍ୟକ୍ଷା ଶ୍ରୀମତୀ ପ୍ରଧାନ ସ୍ବାଗତ ଭାଷଣ ଦେଇଥିବା ବେଳେ ଉପସଭାପତି ଡଃ ମୈତ୍ର ସିହ୍ନା ଅତିଥିଙ୍କ ପରିଚୟ ପ୍ରଦାନ ଓ ଅନ୍ୟତମ ଅତିଥି ଶ୍ରୀ ରାଉତ କାର୍ଯ୍ୟକ୍ରମ ସଂପର୍କରେ ସୂଚନା ପ୍ରଦାନ କରିଥିଲେ । ଏହି ଅବସରରେ ଦିବଙ୍ଗତ ଡଃ ଆର୍.ଆର୍.ପାଣିଗ୍ରାହୀଙ୍କ ବିୟୋଗରେ ଏକ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଅଧ୍ୟାପକ ଓ ଅଧ୍ୟାପିକା ସର୍ବଶ୍ରୀ କରୁଣାକର ପାଟ୍ଟଶାଣୀ, ତପସ୍ବିନୀ ମିଶ୍ର, ରଶ୍ମିପ୍ରଭା ମଥାନ, ଡଃ ରବିନ୍ଦ୍ର କୁମାର ଜେନା, ଭାରତୀ ବରୁଆ, ବୈଜୟନ୍ତୀ ବାରିକ, ମନୋଜ କୁମାର ଦଳାଇ, ଅନୁପ ଏକ୍କା, ତରଣୀ ନାୟକ, ଅଜିତ ବେକ୍, ଅନିଲ କୁମାର ରାମ, ସୌରଭ ଜୈନ, ଜିତେନ୍ଦ୍ର ଡାକୁଆ, ରାଜଦୀପ ସୋରେଙ୍ଗ ଓ ଛାତ୍ରଛାତ୍ରୀ ମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ଅଧ୍ୟାପିକା ବନ୍ଦନା ସୋରେନ ଧନ୍ୟବାଦ ଅର୍ପଣ କରିଥିଲେ ।