ଓମିକ୍ରନ୍ର ଗଡ଼ ପାଲଟୁଛି ମହାରାଷ୍ଟ୍ର, ପୁଣି ୨ ନୂଆ ସଂକ୍ରମିତ ଚିହ୍ନଟ ହେବା ପରେ ରୋଗୀଙ୍କ ସଂଖ୍ୟା ୧୦ରେ ପହଞ୍ଚିଛି
ମୁମ୍ବାଇ : ମୁମ୍ବାଇରେ କରୋନା ଭାଇରସ୍ର ନ୍ୟୁ ଭାରିଆଣ୍ଟ ଓମିକ୍ରନର ଆଉ ଦୁଇ ସଂକ୍ରମିତ ଚିହ୍ନଟ ହୋଇଛନ୍ତି । ଦକ୍ଷିଣ ଆଫ୍ରିକାରୁ ଫେରିଥିବା ଜଣେ ବ୍ୟକ୍ତି ଏବଂ ଆମେରିକାରୁ ଫେରି ଆସିଥିବା ତାଙ୍କ ୩୬ ବର୍ଷୀୟ ବନ୍ଧୁଙ୍କଠାରେ ଓମିକ୍ରନ୍ ନିଶ୍ଚିତ ହୋଇଛି । ଏହି ଦୁଇଟି ମାମଲା ପରେ ରାଜ୍ୟରେ ‘ଓମିକ୍ରନ୍’ ସଂକ୍ରମିତ ରୋଗୀଙ୍କ ସଂଖ୍ୟା ବର୍ତ୍ତମାନ ୧୦କୁ ବୃଦ୍ଧି ପାଇଛି । ମହାରାଷ୍ଟ୍ର ସରକାର ସୋମବାର ଏହି ସୂଚନା ଦେଇଛନ୍ତି ।
ଏହାପୂର୍ବରୁ ରବିବାର ଦିନ ଜଣେ ସ୍ୱାସ୍ଥ୍ୟ ଅଧିକାରୀ ମହାରାଷ୍ଟ୍ରର ପୁଣେ ଜିଲ୍ଲାର ୭ ଜଣଙ୍କୁ କରୋନା ଭାଇରସ୍ ‘ଓମିକ୍ରନ୍’ରେ ସଂକ୍ରମିତ ହୋଇଥିବା ନିଶ୍ଚିତ କରିଛନ୍ତି । ସେ କହିଥିଲେ ଯେ, ସଂକ୍ରମିତ ବ୍ୟକ୍ତିଙ୍କ ମଧ୍ୟରେ ନାଇଜେରିଆର ଜଣେ ମହିଳା ଏବଂ ତାଙ୍କର ଦୁଇ ଝିଅ ଅଛନ୍ତି । ସେ ନିକଟସ୍ଥ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ତାଙ୍କ ଭାଇଙ୍କୁ ଭେଟିବାକୁ ଆସିଛନ୍ତି । ଉକ୍ତ ମହିଳାଙ୍କ ଭାଇ ଏବଂ ତାଙ୍କର ଦୁଇ ଝିଅ ମଧ୍ୟ ଓମିକ୍ରନ୍ରେ ସଂକ୍ରମିତ ହୋଇଥିବା ଜଣାପଡିଛି । ଏଥି ସହିତ, ଗତ ମାସର ଶେଷ ସପ୍ତାହରେ, ଫିନଲ୍ୟାଣ୍ଡରୁ ପୁନେକୁ ଫେରିଥିବା ଅନ୍ୟ ଜଣେ ବ୍ୟକ୍ତି ମଧ୍ୟ ଓମିକ୍ରନ୍ ସଂକ୍ରମିତ ହୋଇଥିବା ନିଶ୍ଚିତ କରାଯାଇଥିଲା ।