କେରଳ ହାଇକୋର୍ଟ ଏପରି ମନ୍ତବ୍ୟ ଦେଲେ – ଯଦି ଜଣେ ପୁରୁଷ ବିବାହ ପ୍ରଲୋଭନ ଦେଖାଇ ବଳାତ୍କାର କରେ, ତେବେ କେସ୍, କିଂତୁ ଯଦି ମହିଳା ପ୍ରତାରଣା କରନ୍ତି, ତେବେ….?
କୋଚି : ଛାଡପତ୍ର ମାମଲାର ଶୁଣାଣି ବେଳେ କେରଳ ହାଇକୋର୍ଟ ଏକ ଗୁରୁତ୍ତର ମନ୍ତବ୍ୟ ଦେଇଛନ୍ତି । ବଳାତ୍କାର ଭଳି ଅପରାଧକୁ କେବଳ ଗୋଟିଏ ଲିଙ୍ଗ ସହ ଯୋଡିବା ଭୁଲ ବୋଲି ହାଇକୋର୍ଟ କହିଛନ୍ତି । ହାଇକୋର୍ଟ କହିଛନ୍ତି ଯେ, ଯଦି ଜଣେ ମହିଳା ତାଙ୍କୁ ବିବାହ କରିବାକୁ ପ୍ରତିଶୃତି ଦେଇ ଜଣେ ପୁରୁଷଙ୍କୁ ପ୍ରତାରଣା କରନ୍ତି, ତା’ହେଲେ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯିବନାହିଁ । କିନ୍ତୁ ଯଦି ପୁରୁଷ ଏପରି କରନ୍ତି ତେବେ ତାଙ୍କୁ ଦଣ୍ଡ ଦିଆଯାଇପାରେ । ଏହା କି ପ୍ରକାର ନିୟମ ? ଏହି ଅପରାଧ ଲିଙ୍ଗ ନିରପେକ୍ଷ ହେବା ଉଚିତ ବୋଲି କୋର୍ଟ କହିଛନ୍ତି । ଛାଡପତ୍ର ହୋଇଥିବା ଦମ୍ପତିଙ୍କ ପିଲାଙ୍କ ହେପାଜତକୁ ନେଇ ଏକ ମାମଲାର ଶୁଣାଣି ବେଳେ କେରଳ ହାଇକୋର୍ଟ ଏହି ନିରୀକ୍ଷଣ କରିଛନ୍ତି । କୋର୍ଟ କହିଛନ୍ତି ଯେ, ବଳାତ୍କାର ଭଳି ଅପରାଧକୁ କୌଣସି ନିର୍ଦ୍ଦିଷ୍ଟ ଲିଙ୍ଗର ପ୍ରିଜିମ୍ ମାଧ୍ୟମରେ ଦେଖିବା ଉଚିତ୍ ନୁହେଁ । ଏହାକୁ ଲିଙ୍ଗ ନିରପେକ୍ଷ କରାଯିବା ଉଚିତ୍ । ମାମଲାର ଶୁଣାଣି ସମୟରେ ଯେତେବେଳେ ମହିଳାଙ୍କ ଓକିଲ ଯୁକ୍ତି କରିଥିଲେ ଯେ ବଳାତ୍କାର ମାମଲାରେ ତାଙ୍କ ସ୍ୱାମୀ ଦୋଷୀ ସାବ୍ୟସ୍ତ ହୋଇଥିଲେ, ଏହା ଉପରେ ବିପରୀତ ପକ୍ଷର ପରାମର୍ଶଦାତା କହିଛନ୍ତି ଯେ, ତାଙ୍କ ପକ୍ଷ ଜାମିନରେ ଆସିଛନ୍ତି ଏବଂ ବଳାତ୍କାର ଅଭିଯୋଗ ଭିତ୍ତିହୀନ । ଏହି ଅଭିଯୋଗରେ କୁହାଯାଇଥିଲା ଯେ ସେ ବିବାହର ବାହାନା କରି ବଳାତ୍କାର କରିଥିଲେ । ଜଷ୍ଟିସ୍ ମହମ୍ମଦ ମୁସ୍ତାକ୍ ଏହି ଯୁକ୍ତିଗୁଡ଼ିକ ଉପରେ ପର୍ଯ୍ୟବେକ୍ଷଣ କରିଥିଲେ ।