ଗାଜିଆବାଦରେ ୭ ଜଣଙ୍କୁ ନୃଶଂସ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଡ୍ରାଇଭରକୁ ଫାଶୀ ଦଣ୍ଡ : ମାନ୍ୟବର କୋର୍ଟଙ୍କ ଆଦେଶ

ଗାଜିଆବାଦ : ଉତ୍ତରପ୍ରଦେଶର ଗାଜିଆବାଦର ଘଣ୍ଟାଘର ନୟା ବସ୍ତି ଅଞ୍ଚଳରେ ଏକ ବ୍ୟବସାୟିକ ପରିବାରର ୭ ଜଣଙ୍କୁ ହତ୍ୟା କରିଥିବା ଅଭିଯୋଗରେ ଅଭିଯୁକ୍ତ ଘରର ପୁରୁଣା ଡ୍ରାଇଭର ଶନିବାର ଦିନ କୋର୍ଟରେ ଦୋଷୀ ସାବ୍ୟସ୍ତ ହୋଇଥିଲା । ଆଜି ସୋମବାର ଦିନ ଗାଜିଆବାଦ କୋର୍ଟ ଏହି ଅଭିଯୁକ୍ତକୁ ମୃତ୍ୟୁଦଣ୍ଡ ଦେଇଛନ୍ତି । ହତ୍ୟାକାରୀ ରାହୁଲ ବର୍ମା ଏହି ଘଟଣା ଘଟାଇବା ପରେ ବ୍ୟବସାୟୀଙ୍କ ଘରୁ ଲକ୍ଷ ଲକ୍ଷ ଟଙ୍କାର ଅଳଙ୍କାର ଲୁଟି ଖସି ପଳାଇଥିଲା ।

ସୂଚନା ଅନୁସାରେ ଗାଜିଆବାଦର ଘଣ୍ଟାଘର କୋଟୱାଲି ଅଞ୍ଚଳରେ ୨୧ ମଇ ୨୦୧୩ ରାତିରେ ବୃଦ୍ଧ ବ୍ୟବସାୟୀ ସତୀଶ ଗୋୟଲ ଏବଂ ତାଙ୍କ ପରିବାରର ୬ ଜଣ ସଦସ୍ୟଙ୍କୁ ନୃଶଂସ ଭାବେ ହତ୍ୟା କରାଯାଇଥିଲା । ଏହି ସମ୍ବେଦନଶୀଳ ଘଟଣାରେ ପୋଲିସ ଡ୍ରାଇଭର ରାହୁଲ ବର୍ମାକୁ ଅଭିଯୁକ୍ତ କରିଥିଲା ।