ପାଟଣାଗଡ, (ଗୋରେଖନାଥ ବରିହା) : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ସମୟରେ ପୁଣି ଥରେ ଚର୍ଚ୍ଚାରେ ବରପିଟା ପ୍ରାଥମିକ ବିଦ୍ୟାଳୟ ତଥା ୱାର୍ଡସ୍ତରୀୟ ମତଦାନ କେନ୍ଦ୍ର । ଅନେକ ସମୟରେ ଚର୍ଚ୍ଚାର ପରିସରକୁ ଆସିଥିବା ଏହି ବିଦ୍ୟାଳୟରେ ଆଗାମୀ ୧୬ ତାରିଖ ଦିନ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ମତଦାନ ହେବ । କିନ୍ତୁ ଅସୁରକ୍ଷିତ ଭାବରେ ରହିଛି ଏହି ବିଦ୍ୟାଳୟର ଶ୍ରେଣୀ କୋଠରୀ । ଏଠାରେ ହେବ ନିର୍ବାଚନ ପାଇଁ ମତଦାନ । ବିଦ୍ୟାଳୟରେ ଥିବା ଗୋଟିଏ କୋଠରୀରେ ଝରକା ଅଛି, କିନ୍ତୁ ଝରକାରେ କବାଟ ନାହିଁ କି ଲୁହା ଛଡ଼ ନାହିଁ । ତେବେ କେଉଁ ସୁରକ୍ଷା ବ୍ୟବସ୍ଥାରେ ହେବ ମତଦାନ, ଏଠାରେ ପ୍ରଶ୍ନବାଚୀ ସୃଷ୍ଟି ହୋଇଛି । ଯେଉଁଠାରେ ମତଦାନ କେନ୍ଦ୍ର ଏତେ ଅସୁରକ୍ଷିତ, ସେଠାରେ ମତଦାନ କେମିତି ହେବ… ସେ ନେଇ ମତଦାତାଙ୍କ ମନ ଭିତରେ ପ୍ରଶ୍ନବାଚୀ ସୃଷ୍ଟି ହୋଇଛି ।
Next Post