ରାୟଗଡ଼ା : କାଶୀପୁର ବ୍ଲକ କମ୍ପର ପ୍ରାଥମିକ ବିଦ୍ୟାଳୟର ଶିକ୍ଷକ ଶିଶିର କୁମାର ସିମିଳିଙ୍କ ଘରେ ଭିଜିଲାନ୍ସ ଚଢ଼ାଉ କରାଯାଇଥିବା ଜଣାପଡ଼ିଛି । ସୂଚନା ଅନୁସାରେ ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ ଶିକ୍ଷକ ଶିଶିର କୁମାର ସିମିଳିଙ୍କ ଘରେ ଭିଜିଲାନ୍ସ ଟିମ୍ ଚଢ଼ାଉ କରିଛି । ଚଢ଼ାଉ ସମୟରେ ଦୁଇଲକ୍ଷ ୮୮ହଜାର ଟଙ୍କା ଜବତ କରାଯାଇଛି । ଭିଜିଲାନ୍ସର ତିନି ଜଣିଆ ଟିମ୍ କାଶୀପୁର ବ୍ଲକ ନୂଆପଡ଼ା ସ୍ଥିତ ଶିଶିର କୁମାର ସିମିଳିଙ୍କ ଏକାଧିକ ଘର ଓ ବିଭିନ୍ନ ପ୍ଲଟକୁ ନେଇ ତଦନ୍ତ କରୁଥିବା ବେଳେ ଶିଶିର ଜଣେ ପ୍ରାଥମିକ ବିଦ୍ୟାଳୟର ଶିକ୍ଷକ ଓ ତାଙ୍କ ସ୍ତ୍ରୀ ଅଙ୍ଗନବାଡ଼ି କର୍ମୀ ବୋଲି ସୂଚନା ମିଳିଛି ।