ଭୁବନେଶ୍ୱର : ସ୍ତ୍ରୀକୁ ଇଟାରେ ଛେଚି ହତ୍ୟା ଉଦ୍ୟମ କରିବା ଅଭିଯୋଗରେ ଖଣ୍ଡଗିରି ଥାନା ପୋଲିସ ମହିଳାଙ୍କ ସ୍ୱାମୀଙ୍କୁ ଗିରଫ କରିଛି । ତାଙ୍କ ନାମ ଟୁଟୁ ପ୍ରଧାନ (୩୫) । ଘର ଡୁମୁଡୁମା ରଘୁନାଥନଗର । ଟୁଟୁ ସବୁବେଳେ ଅଧିକ ଯୌତୁକ ଦାବିକରି ସ୍ତ୍ରୀଙ୍କୁ ନିର୍ଯାତନା ଦେଉଥିଲେ । ଗତକାଲି ସନ୍ଧ୍ୟାରେ ତାଙ୍କ ପତ୍ନୀ କାମରୁ ଘରକୁ ଫେରୁଥିବା ବେଳେ ତାଙ୍କୁ ଟୁଟୁ ଅଟକାଇ ଗାଳି କରିବା ସହିତ ଏକ ଇଟାରେ ଆକ୍ରମଣ କରିଥିଲେ । ଏଥିରେ ତାଙ୍କ ସ୍ତ୍ରୀ ଗୁରୁତର ଆହତ ହୋଇଥିବା ଜଣାପଡିଛି ।