ରାଉରକେଲା, (ସସ୍ମିତା ପ୍ରଧାନ) : ରାଉରକେଲା ସହରର ସେକ୍ଟର- ୭ କମ୍ୟୁନିଟି ସେଣ୍ଟରଠାରେ ଆନ୍ତଃରାଜ୍ୟ କ୍ୟାରମ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । କମ୍ୟୁନିଟି ସେଣ୍ଟର ଓ କାର୍ୟ୍ୟକ୍ରମ ଆୟୋଜନ ସମିତିର ସଭାପତି ସୁଭ୍ରାଂଶୁ ଶେଖର ମହାପାତ୍ର ଓ ସମ୍ପାଦକ ସମିର କୁମାର ଦାସଙ୍କ ନେତୃତ୍ୱରେ ହୋଇଥିବା ଏହି ପ୍ରତିଯୋଗିତାର ଉଦ୍ଯାପନୀ ଅବସରରେ ଯୋଗ ଦେଇଥିବା ଅତିଥିମାନେ ବିଜୟୀ ଓ ଉପବିଜେତା ଦଳ ସହିତ ଅନ୍ୟମାନଙ୍କୁ ପୁରସ୍କୃତ କରିଥିଲେ । ଏଥିରେ ସେକ୍ଟର-୪ ଦଳର ବିଶ୍ୱଜିତ ସାହୁ ଓ କମଳକାନ୍ତ ବିଶ୍ୱାଳ ବିଜୟୀ ହୋଇଥିଲେ । ସେହିଭଳି ସେକ୍ଟର- ୧୫ ଦଳର ସୁଦାମ ରାୟ ଓ ସମ୍ଭୁ ଚରଣ ନାହାକଙ୍କ ଦଳ ଉପବିଜେତା ଓ ସେଖ୍ ସହିତ ଆଲାମ ଓ ରଫିକଙ୍କ ଦଳ ତୃତୀୟ ସ୍ଥାନ ହାସଲ କରି ପୁରସ୍କୃତ ହୋଇଥିଲେ । ଏହି ଅବସରରେ ସ୍ୱତନ୍ତ୍ର ଅତିଥିଭାବେ ବରିଷ୍ଠ ହକି ପ୍ରଶିକ୍ଷକ କାଳୁ ଚରଣ ଚୌଧୁରୀ, ଜୀବନ ବୀମା ନିଗମର ପ୍ରଶାସନିକ ଅଧିକାରୀ ସନ୍ତୋଷ ଶତପଥି ପ୍ରମୁଖ ଯୋଗ ଦେଇଥିଲେ ।
